હું ભારતને પ્રેમ કરું છું PM મોદીને મારી શુભેચ્છા: ડોનાલ્ડ ટ્રંપ

ન્યૂયોર્ક: સંયુક્ત રાજ્ય અમેરિકાના રાષ્ટ્રપતિ ડોનાલ્ડ ટ્રંપે સંયુક્ત રાષ્ટ્ર સત્રમાં એક કાર્યક્રમ દરમિયાન ભારતીય વિદેશ મંત્રી સુષમા સ્વરાજની હાલચાલ પૂછી અને કહ્યું કે ભારતને ખૂબ પ્રેમ કરે છે. માદક પદાર્શોના વૈશ્વિક ઉપયોગ રોકવાના એક કાર્યક્રમમાં ડોનાલ્ડ ટ્રંપે સુષમા સ્વરાજને હાલચાલ પૂછી અને કહ્યું કે 'તમે મારા મિત્ર પીએમ મોદીને મારી શુભેચ્છા પાઠવજો.' માદક પદાર્થો પર થયેલા આ કાર્યક્રમની અધ્યક્ષતા અમેરિકાના રાષ્ટ્રપતિએ કરી હતી. 

માદક પદાર્થો પર રોક લગાવવાના આ કાર્યક્રમના સમાપન પર ટ્રંપ જેવા સ્ટેજ પરથી નીચે ઊતર્યા એમની સાથે આવેલી સંયુક્ત રાષ્ટ્રમાં અમેરિકા રાજદૂત નિક્કી હેલી સુષ્મા સ્વરાજ પાસે ગઇ નિક્કી હેલી સુષમા સ્વરાજને ગળે મળ્યા અને એમને અમેરિકાના રાષ્ટ્રપતિ સાથે મુલાકાત કરાવી. સુષમા સ્વરાજે રાષ્ટ્રપતિ સાથે હાથ મલાવ્યો અને એમને કહ્યું કે ભારતના પીએમ નરેન્દ્ર મોદીએ એમના માટે શુભકામનાઓ મોકલી છે. ત્યારે ટ્રંપે કહ્યું 'હું ભારતને પ્રેમ કરું છું મારા મિત્ર પીએમ મોદીને મારી શુભેચ્છા.'

અમેરિકા રાષ્ટ્રપતિ ભારતના પીએમ નરેન્દ્ર મોદી સાથે પહેલા પણ આવી મિત્રતા દેખાડી ચુક્યા છે. નોંધનીય છે કે અમેરિકાના એક પત્રકારે પણ એના પુસ્તકમાં આ વાતનો ઉલ્લેખ કર્યો હતો કે એક વખત ટ્રંપે એમની સાથે વાતચીતમાં કહ્યું હતું કે 'મોદી મારા એક મિત્ર છે. હું એમને ખૂબ જ પસંદ કરું છું.' જણાવી દઇએ કે 2017માં પીએમ મોદીના અમેરિકા પ્રવાસના સમય દરમિયાન ડોનાલ્ડ ટ્રંપે જોરશોરથી ભારતીય પીએમનું સ્વાગત કર્યું હતું.