મદદ / UP જેવી ઘટના ગુજરાતમાં, પ્રેમી યુગલે વીડિયો વાયરલ કરી પોલીસની મદદ માંગી

યૂપીની ઘટના બાદ હવે ગુજરાતમાં પણ પ્રેમી યુગલનો વીડિયો વાઇરલ થયો છે. બનાસકાંઠામાં પ્રેમી યુગલે જીવન બચાવવા પોલીસની મદદ માંગી છે. પ્રેમ લગ્ન કર્યા બાદ છોકરીના પરિવારની ધમકી બાદ યુવક અને યુવતી બંને જીવ બચાવવા આમતેમ ફરી રહ્યાં છે. ત્યારે પ્રેમી યુગલે વીડિયો વાઇરલ કરી અને બનાસકાંઠા પોલીસની મદદ માંગી છે અને યુવતીનાં પરિવારજનોથી યુવક-યુવતી અને યુવકનાં પરિવારજનોને બચાવવાની માંગ કરી છે.

આ વીડિયો બનાસકાંઠાનાં થારના ઇસરવા ગામના પ્રેમી યુગલનો છે. આ પ્રેમી યુગલે વીડિયો શેર કરીને કહ્યું કે, છોકરીનાં પરિવાર સહિત 50 લોકો અમારી પાછળ પડ્યા છે. અમે જીવ બચાવવા અમારું સ્થળ જાહેર નથી કરતા. યુવકે કહ્યું કે, છોકરીનાં પરિવારજનો મારા પરિવારને મારવાની ધમકી આપે છે અને મારા પરિવારને હેરાન કરી ગામ છોડાવી દીધું છે.

ઉલ્લેખનીય છે કે થોડાંક દિવસ અગાઉ જ યૂપીનાં બરેલીમાં ભાજપ ધારાસભ્ય રાજેશ મિશ્રાની દીકરીએ દલિત યુવક સાથે લગ્ન કર્યા બાદ પોતાના જીવને જોખમ હોવાનો વીડિયો સોશિયલ મીડિયામાં જાહેર કર્યો હતો. ધારાસભ્યની દીકરી સાક્ષીએ પોતાના પતિ અજિતેશ સાથે એક વીડિયો જાહેર કર્યો હતો કે જેમાં બંનેએ ભાજપનાં ધારાસભ્યથી પોતાના જીવને ખતરો હોવાનું કહ્યું હતું. ધારાસભ્ય રાજેશની પુત્રીએ અગાઉ 4 જુલાઇનાં રોજ પ્રયાગરાજમાં એક મંદિરમાં અજિતેશ કુમારની સાથે હિંદુ રીતિ રિવાજથી લગ્ન કર્યા હતા. લગ્ન બાદથી જ ધારાસભ્યની દીકરી અને અજિતેશ ઘરથી ગાયબ હતા.

Bareily MLA Pappu Bhartaul's daughter released a video appealing to her father to stop opposing her love marriage and call back his goons. The daughter had married a man against her families wishes and fears honour killing. @Uppolice pic.twitter.com/Z2hQcmWyJR

— Saurabh Trivedi (@saurabh3vedi) July 10, 2019

ત્યારે પોતાની દીકરીના આ આરોપ બાદ ધારાસભ્ય રાજેશ મિશ્રાનું નિવેદન પણ આપ્યુ હતું કે , 'મેં કોઇને મારી નાખવાની ધમકી નથી આપી. મારા પર લગાવેલા આરોપ ખોટા છે. મારાથી કોઇને ખતરો નથી. દીકરીને જાતે નિર્ણય લેવાનો અધિકાર છે.' જો કે આ વાયરલ વીડિયો બાદ ચર્ચામાં આવેલી બરેલીના ધારાસભ્ય રાજેશ મિશ્રાની દીકરી સાક્ષી અને તેના પતિ અજિતેશ શુક્રવારનાં રોજ એક ખાનગી ન્યૂઝ ચેનલના સ્ટુડિયોમાં પહોંચ્યા હતા અને ત્યાં પોતાની આપવીતી જણાવી હતી. આપને જણાવી દઇએ કે, સ્ટુડિયોમાં અજિતેશના પિતા પણ હાજર રહ્યાં હતા. તેઓ પોતાના દિકરા અને તેમની પત્નીને મળીને ભાવુક થયાં હતા. આ દરમિયાન સ્ટુડિયોમાંથી સાક્ષીના પિતાને ફોન લગાવવામાં આવ્યો હતો. તેમણે સાક્ષી સાથે વાત કરી હતી અને શુભેચ્છા પણ પાઠવી હતી. આ સાથે જ તેમણે જણાવ્યું હતું કે પોતાનાથી દિકરીને કોઇ પણ ખતરો નથી.

ઉલ્લેખનીય છે કે આ ઉપરાંત અમદાવાદના માંડલ તાલુકાના વરમોર ગામ યુવકની આઠ લોકોએ મળીને હત્યા કરી હતી. આ મામલે પોલીસ તપાસ કરતી હતી. ત્યારે પોલીસે 8 લોકો સામે ફરિયાદ પણ દાખલ કરી હતી. આ દલિત યુવકની હત્યા મામલે પોલીસે વધુ 3 આરોપીની ધરપકડ કરી છે. એટલે કે આ મામલે પોલીસે અગાઉ 3 આરોપીઓની ધરપકડ કરી હતી અને બીજા 3 આરોપીઓની પણ ધરપકડ કરી છે. એટલે કે અત્યાર સુધીમાં 6 આરોપીઓને ઝડપી પાડ્યા છે.

જો કે 2 માસની ગર્ભવતી યુવતી હજી સુધી ગુમ છે. હરેશ સોલંકી અને ઉર્મિલા નામની યુવતી એકબીજાનાં પ્રેમમાં પડ્યા હતા. ત્યાર બાદ બન્નેએ પ્રેમ લગ્ન કર્યા હતા. હરેશ સોલંકી દલિત યુવક હતો જ્યારે ઉર્મીલા દરબાર જ્ઞાતિની હતી. પ્રેમ લગ્ન કરતા ઉર્મિલાનો પરિવાર બે મહિનાથી વરમોર ગામમાં લઈને આવ્યા હતા. ત્યારે પત્નીના પરિવારને સમજાવવા માટે હરેશ 181 અભયમના અધિકારીઓને લઈને ગામમાં પહોંચ્યો હતો. આ દરમિયાન 8 શખ્સોએ મળીને હરેશની હત્યા કરી હતી.