કોંગ્રેસ નેતા રાહુલ ગાંધીએ હીરાબાની ખરાબ તબિયતને લઈને પ્રધાનમંત્રી મોદીને એક ખાસ મેસેજ પાઠવ્યો છે.
રાહુલ ગાંધીને પીએમ મોદીને પાઠવ્યો મેસેજ
માતા અને દીકરા વચ્ચેનો પ્રેમ અનંત અને અણમોલ હોય છે
તમારા માતાજી જલદી સાજા થઈ જાય તેવી પ્રાર્થના
પીએમ મોદીના માતા હીરાબા અમદાવાદની યુએન મહેતા હોસ્પિટલમાં છે દાખલ
પ્રધાનમંત્રી મોદીના 100 વર્ષીય માતા હીરાબાને અમદાવાદની યુએન મહેતા હોસ્પિટલમાં દાખલ કરાયા છે. લોકો તેમના જલદી સાજા થવાની પ્રાર્થના કરી રહ્યાં છે. આ દરમિયાન કોંગ્રેસ નેતા રાહુલ ગાંધીએ પણ પીએમ મોદીને એક ખાસ મેસેજ આપીને તેમની માતાના સાજા થવાની કામના કરી છે.
कांग्रेस सांसद राहुल ने प्रधानमंत्री नरेंद्र मोदी की मां हीराबेन मोदी के अहमदाबद में अस्पताल में भर्ती होने के बाद उनके जल्द स्वस्थ होने की कामना की। pic.twitter.com/BD9KVmDobs
શું લખ્યું ટ્વિટમાં
રાહુલ ગાંધીએ ટ્વિટ કરીને લખ્યું કે માતા-પુત્ર વચ્ચેનો પ્રેમ શાશ્વત અને અણમોલ હોય છે. મોદીજી, આ મુશ્કેલ સમયમાં મારો પ્રેમ અને સમર્થન તમારી સાથે છે. હું આશા રાખું છું કે તમારા માતાજી જલદી સાજા થઈ જાય.
પીએમ મોદી અમદાવાદ આવવા રવાના થયા
પીએમ મોદીના માતા હીરાબેન મોદીની ગત રાત્રે તબિયત લથડતા તેમને અમદાવાદની યુએન મહેતા હોસ્પિટલમાં દાખલ કરવામાં આવ્યા છે. માતાના સમાચાર સાંભળીને પીએમ મોદી તાત્કાલિક અમદાવાદ આવવા રવાના થઈ ગયા છે. યુએન મહેતા ઇન્સ્ટિટ્યૂટ ઓફ કાર્ડિયોલોજી એન્ડ રિસર્ચ સેન્ટર તરફથી એક નિવેદનમાં કહેવામાં આવ્યું છે કે હિરાબેન મોદીની હાલત સ્થિર છે.