પ્રેમસંબધ / મહિલાઓ માટે ચેતવણી સમાન કિસ્સો, અંગત પળો અંગત રહે એ જ સારૂ!

• પ્રેમિકાના ઇન્કારનો પ્રેમીએ લીધો બદલો
• પ્રેમિકા સાથેના અંગત ફોટો કર્યા વાયરલ
• પ્રેમિકા અને તેના પરિવારના ફોટો કર્યા વાયરલ

સરદાનગર માં રહેતી 45 વર્ષીય મહિલાને પ્રેમી સાથે સંબંધ તોડવો ભારે પડ્યો. માનસિક વિકૃત પ્રેમીએ અંગત પળો ના ફોટો સોસીયલ મીડિયામાં વાયરલ કરતા મહિલાએ ફરિયાદ નોંધાઈ.

સમગ્ર ઘટનાની વાત કરીએ તો પરણિત મહિલા પરિવારનું ગુજરાત ચલાવવા રસોડાનું કામ કરે છે. જ્યાં રસોઈ બનાવવા આવતા ભવાનસિંહ રાઠોડ સાથે આંખ મળી ગઈ. મહિલા પ્રેમમાં અંધ બનીને પ્રેમીની વાતો માનતી રહી. અંગત પળોના ફોટો પડાવતી રહી. પરંતુ જ્યારે મહિલાએ પ્રેમીની વાત માનવાનો ઇન્કાર કર્યો તો માનસિક વિકૃત પ્રેમી ભવાનસિંહએ ફોટો વાયરલ કરવાની ધમકી આપીને તેનું શોષણ કરતો રહ્યો

ફોટો અશ્લીલ બનાવીને ફેસબુક અને વોટ્સએપમાં કર્યા વાયરલ

મહિલાએ પ્રેમીથી કંટાળી ને તેનો સંપર્ક બંધ કરી દેતા આરોપીએ વોટસએપ અને ફેસબુક પર ફોટો વાયરલ કરી દેતા મહિલાએ એરપોર્ટ પોલીસ સ્ટેશનમાં ફરિયાદ નોંધાઈ. આ મહિલા પ્રેમીથી છુટકારો મેળવવા આજીજી કરી રહી છે. 

મહિલા તેના પ્રેમમાં પીગળી ગઈ

આરોપી ભવાનસિંહ રાઠોડ પણ પરણિત છે. પરંતુ પત્નીથી મનમેળ નહિ મળતા બન્ને વચ્ચે છૂટાછેડાનો કેસ ચાલુ છે. જ્યારે ભવાનસિંહ આ મહિલાને સંજય નામથી પરિચયમાં આવ્યો. મહિલાને સબંધ રાખવા સતત દબાણ કરતો રહ્યો. અને મહિલા તેના પ્રેમ માં પીગળી ગઈ.

એરપોર્ટ પોલીસે આ કેસમાં છેડતી અને આઇટી એક્ટ હેઠળ ગુનો નોંધી તપાસ શરૂ કરી

આ પ્રેમ મહિલા માટે આફત બની ગયો છે. કારણે સંતાનો ના લગ્ન થઈ ગયા છે. અને પ્રેમીએ દીકરી અને પુત્રવધુ ના ફોટા પણ અશ્લીલ બનાવીને સોસીયલ મીડિયામાં વાયરલ કરી દીધા છે. જેથી આ પરિવાર આરોપીએ સજાની માંગ કરી રહ્યો છે. એરપોર્ટ પોલીસે આ કેસમાં છેડતી અને આઇટી એક્ટ હેઠળ ગુનો નોંધી તપાસ શરૂ કરી. 

પ્રેમમાં સજા ભોગવી રહેલી મહિલા હવે પ્રેમીથી છુટકારો મેળવવા પોલીસ સ્ટેશનમા ધક્કા ખાઈ રહી છે. પોલીસે પણ મહિલાનું નિવેદન લઈને આરોપી ભવાનસિંહ રાઠોડની શોધખોળ શરૂ કરી છે.