ઈમ્તિયાઝ અલીની ફિલ્મ 'લવ આજ કલ'નો ફર્સ્ટ લુક રિલીઝ થઈ ગયો છે. પોસ્ટમાં સારા અલી ખાન અને કાર્તિક આર્યન રોમાન્ટિક પોઝ આપતાં જોવા મળી રહ્યાં છે. પોસ્ટર જોઈને લાગી રહ્યું છે કે, ફિલ્મમાં ઈન્ટેન્સ લવ સ્ટોરી જોવા મળશે. પોસ્ટરની સાથે જ ટ્રેલર રિલીઝ ડેટ પણ એનાઉન્સ કરી દેવામાં આવી છે.
સારા અલી ખાન અને કાર્તિકે સોશિયલ મીડિયા પર પોસ્ટર શેર કર્યું છે. પોસ્ટર શેર કરતાં કાર્તિકે લખ્યું છે, ‘વહાં હૈ નહીં જહાં લેટે હૈં..... કહીં ઉડ રહે હૈં વીર ઔર ઝો.’ સારાએ લખ્યું છે, વીર અને ઝોને મળો. આવો અમારા વન્ડરલેન્ડમાં.
'લવ આજ કલ' ફિલ્મ 2009માં રિલીઝ થઈ હતી. તે ફિલ્મમાં સૈફ અલી ખાન અને દીપિકા પાદુકોણ લીડ રોલમાં હતાં. જેને ઈમ્તિયાઝ અલીએ જ ડિરેક્ટ કરી હતી. જ્યારે આ ફિલ્મની સિક્વલ 'લવ આજ કલ'નું ટ્રેલર 17 જાન્યુઆરીએ રિલીઝ થશે. આ ફિલ્મ 14 ફેબ્રુઆરીએ એટલે કે વેલેન્ટાઈન ડેના દિવસે રિલીઝ થશે. ફિલ્મમાં કાર્તિક અને સારા સિવાય રણદીપ હુડ્ડા અને આરુષિ શર્મા પણ મુખ્ય રોલમાં જોવા મળશે. દિનેશ વિજાન અને ઈમ્તિયાઝ અલીએ મળીને આ ફિલ્મ પ્રોડ્યૂસ કરી છે.
વર્ક ફ્રંટની વાત કરીએ તો સારા અલી ખાને ફિલ્મ કેદારનાથથી બોલિવૂડમાં ડેબ્યૂ કર્યું હતું. આ ફિલ્મમાં તેની સાથે સુશાંત સિંહ રાજપૂત લીડ રોલમાં હતો. આ ફિલ્મને સારો રિસ્પોન્સ મળ્યો હતો.