સખાવત / દિલ હોય તો આવું ! કપલે તોડ્યો પરોપકારનો રેકોર્ડ, લોટરીમાં જીતેલા 1140 કરોડ દાનમા આપી દીધા

• આયરલેન્ડના કપલે તોડ્યા પરોપકારનો રેકોર્ડ
• 1140 કરોડની લોટરીના પૈસાનું દાન કરી દીધું 
• દાન આપતા કહ્યું, આવું કરવામાં મજા આવે છે 

અમુક લોકો તો એટલા બધા દાનેશ્વરી નીકળતા હોય છે કે ન પૂછો વાત. આયરલેન્ડના એક કપલે તો પરોપકારનો રેકોર્ડ તોડી નાખ્યો. આયરલેન્ડના  ફ્રાંસિલ કોનોલી અને તેના પતિ પેટ્રિકે 115 મિલિયન યૂરો એટલે કે 1140 કરોડ રૂપિયાની લોટરી જેકપોટ જીત્યો હતો.

પરિવારમાં વહેંચી દીધી રકમ 
આટલી મોટી રકમ જીતી હોવા છતાં પણ કપલને તેને મોહ ન લાગ્યો અને તેમણે જીતેલી રકમનું દાન કરી દેવાનો નિર્ણય કર્યો છે. તે
દંપતીએ આટલી મોટી ઇનામી રકમ જીત્યા બાદ તેમના મિત્રો અને પરિવારને પૈસા વહેંચી દીધા હતા. આટલી મોટી રકમ જીત્યા બાદ કોનોલીનું કહેવું છે કે તેને બીજાની મદદ કરવાથી ઉત્સાહ મળે છે અને આ એક આદત જેવું બની છે. દંપતિએ કહ્યું કે તેમને દાન કરવામા ખૂબ મજા આવે છે અને તેઓ ભવિષ્યમાં પણ દાન કરતા રહેશે. 

દાન કરવામાં મજા આવે છે

આટલી મોટી રકમનું દાન કરનાર કપલે એવું જણાવ્યું કે તેમને દાન કરવામાં ખૂબ મજા આવે છે. તેમણે ભુતકાળમાં પણ અનેક વાર દાન કર્યું છે. તેઓ દાનેશ્વરી કર્ણ કરતા ઓછા નથી. લોકો એક પૈસો પણ છોડી શકતા નથી ત્યારે આ કપલ તો સાવ નિર્મોહી નીકળ્યું અને આટલી મોટી રકમનુ ંદાન કર્યું. 

સખાવતી ફાઉન્ડેશનની સ્થાપના કરી
પૂર્વ સામાજિક કાર્યકર અને શિક્ષકે બે સખાવતી ફાઉન્ડેશનની સ્થાપના કરી છે. એકનું નામ તેમના વતન ઉત્તરી આયર્લૅન્ડમાં તેમની સ્વર્ગસ્થ માતા કેથલીન ગ્રેહામના નામ પરથી રાખવામાં આવ્યું છે, જ્યારે પીએફસી ટ્રસ્ટ જે તેમના વતનમાં છે. તે સ્થાનિક વડીલો અને શરણાર્થીઓને ટેકો આપે છે. ઉલ્લેખનીય છે કે કોનોલી ચેરિટી સંબંધિત કામ કરવાનો ઇતિહાસ ધરાવે છે. કપલે અડધા પૈસા આ ફાઉન્ડેશનમાં આપ્યાં છે જેનો ઉપયોગ ચેરિટીના કામ માટે કરવામાં આવશે.