લંડનઃ બ્રિટેનમાં રહેનારી એક છોકરીને લોટરી લાગતા કરોડો રૂપિયા જીતી છે. પરંતુ તેને પ્રેમનો અનુભવ નથી થયો. હવે તેણે પોતાના પ્રેમની શોધમાં અનોખો રસ્તો અપનાવ્યો છે. જેન પાર્કે એક વેબસાઇટ www.boyfriendvacancy.co.uk લોન્ચ કરીને પોતાના માટે પરફેક્ટ મેચ શોધી રહી છે અને તેમણે કહ્યું કે તેને તેમને પ્રેમ મળી જાય છે તો તે તેમને 60 હજાર પાઉન્ડ એટલે 5 631 585.89 રૂપિયા એક વર્ષ માટે આપશે.
જો કે જેન પાર્ક માત્ર 23 વર્ષની છે અને જ્યારે તે 17 વર્ષની હતી ત્યારે તેણે એક કરોડ પાઉન્ડ લોટરી દ્વારા જીત્યા હતા. લોટરીથી મળેલા પૈસાથી તેણે ઘણો એશોઆરામ કર્યો પરંતુ તે છતા પણ તેને પ્રેમમાં દગો મળ્યો અને સાચા પ્રેમની શોધ તેમને હંમેશા રહી.
જેન હંમેશા આ વાતને લઇને અસમંજસમાં રહી કે પોતાને ચાહે કે બેંક બેલેન્સને પ્રેફરન્સ આપે. લોટરી દ્વારા તે ઘણા પૈસા કમાઇ પરંતુ હવે તે પોતાની જાતને એકલી મહેસુસ કરી રહી છે.
મળતી માહિતી અનુસાર જેનના બોયફ્રેન્ડની પોસ્ટ માટે લોકો એપ્લાય કરી શકે છે અને જેનની પસંદની શોધ આગામી વર્ષે એક ટીવી ડોક્યૂમેન્ટ્રી દ્વારા ઓનએર થશે.
જેન એક્સ ફેક્ટરે ફાઇનલિસ્ટ સેમ કોલ્હન સાથે 2016માં રિલેશનમાં રહી હતી પરંતુ બાદમાં જેન કોલ્હન પર છેતરપિંડીનો આરોપ લગાવીને અલગ થઇ ગઇ હતી. ત્યાર બાદ જેનના જોર્ડન પિગૉટ સાથે પણ થોડા સમય સુધી સંબંધ રહ્યા પરંતુ જેનનું કહેવું છે કે તેમના સાચા પ્રેમની શોધ ક્યારેય પૂરી થઇ નથી. પૈસા દ્વારા પ્રેમની શોધ કરવા મામલે તેમનું કહેવું છે કે તેમને વફાદાર સંબંધની શોધ છે અને તેની સામે ધન-દોલત કંઇ પણ નથી.