જો કોઈ વ્યક્તિનો PPO નંબર ખોવાઈ ગયો હોય ,તો તમારું પેન્શન બંધ થઈ શકે છે. આ માટે, તમે EPFO દ્વારા ઉલ્લેખિત નિયમોનું પાલન કરીને તેને ફરીથી મેળવી શકો છો.
પેન્શન માટે PPO નંબર ખૂબ જ મહત્વપૂર્ણ છે
PPO નંબર માટે અરજી કરવાની પ્રક્રિયા જાણો
આ રીતે ઘરે બેઠા ફરી મેળવો નંબર
જેઓને પેન્શન સ્કીમનો લાભ મળી રહ્યો છે તેવા લોકોને એક યુનિક નંબર આપવામાં આવ્યો હોય છે. જેને પેન્શન પેમેન્ટ ઓર્ડર કહેવાય છે. આ નંબરના આધારે જ રિટાર્યમેન્ટ બાદ પેન્શન તમને મળે છે. જો આ નંબર ખોવાઇ ગયો તો તમને પેન્શન મળતુ અટકી જશે. ત્યારે આવા સમયે કોઇ ટેન્શન કર્યા વિના ઇપીએફઓએ બતાવેલા નિયમોને ફોલો કરશો તો તમારો પીપીઓ નંબર ફરીથી મળી જશે. ત્યારે આવો જાણીએ કેવી રીતે ખોવાયેલો નંબર ફરીથી મેળવાય.
PPO નંબર માટે કેવી રીતે અરજી કરવી ?
https://www.epfindia.gov.in/site_en/index.php પર જાઓ
હવે 'ઓનલાઈન સેવાઓ' વિભાગમાં 'પેન્શનર્સ પોર્ટલ'ના વિકલ્પ પર ક્લિક કરો.
હવે તમારી સામે એક નવું પેજ ખુલશે. અહીં તમે 'Know Your PPO No' પર ક્લિક કરો.
અહીં તમે તમારો બેંક એકાઉન્ટ નંબર એન્ટર કરો જેમાં દર મહિને તમારું પેન્શન આવે છે.
જો તમે ઈચ્છો તો તમારો પીએફ નંબર નાખીને પણ સર્ચ કરી શકો છો.
બધી વિગતો ભર્યા પછી તેને સબમિટ કરો.
આ પછી તમને સ્ક્રીન પર તમારો PPO નંબર દેખાશે.
કેમ PPO નંબર છે જરુરી ?
પીપીઓ નંબર એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) દ્વારા કોઈપણ કંપનીમાંથી નિવૃત્ત થનાર વ્યક્તિને આપવામાં આવે છે. આ વગર પેન્શન મેળવી શકાતું નથી. તેથી જ તે હોવું ખૂબ જ મહત્વપૂર્ણ છે. હકીકતમાં, કર્મચારી ભવિષ્ય નિધિ સંગઠન (EPFO) લાભાર્થીની ઓળખ માટે આપવામાં આવેલા PPO નંબર પરથી પગારની સ્થિતિ વગેરેની તપાસ કરવાની સુવિધા પણ પ્રદાન કરે છે.
PPO નંબર પણ અહીં ફરજિયાત છે
આ ખાસ 12-અંકનો નંબર તમારા માટે સંદર્ભ તરીકે કાર્ય કરે છે. તેના દ્વારા સેન્ટ્રલ પેન્શન એકાઉન્ટિંગ ઓફિસનો સંપર્ક કરવામાં આવે છે. પેન્શનરની પાસબુકમાં આ PPO નંબર દાખલ કરીને તમારું એકાઉન્ટ એક બેંકમાંથી બીજી શાખામાં ટ્રાન્સફર કરવાનું પણ સરળ છે. આ સિવાય કોઈપણ પ્રકારના પેન્શન સંબંધિત કામ અથવા ફરિયાદ માટે EPFOમાં PPO નંબર આપવો ફરજિયાત છે. આ સિવાય પેન્શન સ્ટેટસ જોવા માટે આ નંબર લખવો ખૂબ જ જરૂરી છે