નવા નિયમો / સિમ કાર્ડ ખોવાઈ જવા અથવા ખરાબ થવા પર નવું સિમ કઢાવાના નિયમો થશે વધુ કડક

• સિમ કાર્ડ લેવાના અને બદલવાના નિયમો બદલાય જશે
• સિમ બદલીને ફ્રોડ લોકો કરે છે મોટી છેતરપીંડી
• દૂરસંચાર કંપનીઓ માટે તૈયાર થઈ રહી છે ગાઈડલાઈંસ

સિમ કાર્ડ દ્વારા નાણાકીય છેતરપીંડીની ઘટનાઓમાં થતા વધારા બાદ દૂરસંચાર વિભાગે કડકાઈ અપનાવી છે. વિભાગે ખોવાઈ જવા અથવા તો ખરાબ થવા પર સિમ કાર્ડ બદલવા સાથે જોડાયેલી ગાઈડલાઈંસ બનાવવા પર કામ શરૂ કરી દીધું છે. 

આ સંબંધમાં વિભાગે ગત અઠવાડીયએ દૂરસંચાર કંપનીઓની સાથે બેઠક કરી હતી અને તેમા સિમ કાર્ડ બદલવામાં માટે સૂચન માગ્યા છે. આ બેઠકમાં સિમ કાર્ડના ખોટા ઉપયોગને રોકવા માટે પણ ચર્ચા થઈ હતી. હાલની વ્યવસ્થા અંતર્ગત જ્યારે કોઈ સિમ કાર્ડ ખરાબ અથવા ચોરી થઈ જાય છે, તો ગ્રાહક દૂરસંચાર કંપનીથી બદલવાનો આગ્રહ કરે છે. યોગ્ય વેરિફિકેશન બાદ કંપની ગ્રાહકોને નવુ સિમકાર્ડ આપે છે. પણ કેટલીય વાર છેતરપીંડી કરનારા દૂરસંચાર કંપની પાસે નકલી દસ્તાવેજ જમા કરીને ગેરકાયદેસર રીતે નવા સિમ કાર્ડ ખરીદી લેતા હોય છે અને સંબંધિ વ્યક્તિના ખાતામાંથી રૂપિયા ઉઠાવી લેતા હોય છે. 

આગામી અઠવાડીયએ પણ થશે બેઠક

જાણકારી અનુસાર જોઈએ તો, દૂરસંચાર વિભઆગે સિમ બદલવાથી લઈને કંપનીઓ પાસેથી ભલામણો માગી છે, જેના આધાર પર ગાઈડલાઈંસ તૈયાર કરવામાં આવી રહી છે. તેને લઈને આગામી અઠવાડીયે પણ દૂરસંચાર વિભાગની કંપનીઓ સાથે બેઠક થવાની છે. આ ગાઈડલાઈંસને તૈયાર કરવાનો મુખ્ય ઉદ્દેશ્ય એ છે કે, છેતરપીંડી કરનારાની જગ્યાએ વાસ્તવિક ગ્રાહકને સિમ બદલવાની સુવિધા મળે.

ફ્રોડ સૌથી પહેલા ફિશિંગ અથવા અન્ય રીતે સંબંધિત વ્યક્તિના બૈંક ખાતા અને રજીસ્ટર્ડ મોબાઈલ નંબરની જાણકારી એકઠી કરે છે. ત્યાર બાદ નકલી દસ્તાવેજો દ્વારા દૂરસંચાર કંપની  પાસેથી સિમને બંધ કરવાનો આગ્રહ રાખે છે. વેરિફિકેશન બાદ દૂરસંચાર કંપની અસલી સિમ બંધ કરીને છેતરપીંડી કરનારા લોકોને નવું સિમ કાર્ડ આપી દેતી હોય છે. 

આ ફ્રોડ લોકોને વન ટાઈમ પાસવર્ડ સુધી પહોંચ હોય છે, જે છેતરપીંડીથી લેવડદેવડ કરી લેતા હોય છે. જ્યાં સુધી અસલી ગ્રાહકોને તેની જાણકારી મળે છે. ત્યાં સુધીમાં તો ફ્રોડ લોકો કેટલાય ટ્રાંજેક્શન કરી નાખે છે અને મોટો ચૂનો લગાવી દે છે.

બેંક- દૂરસંચાર કંપનીઓ જાહેર કરે છે એડવાઈઝરી

મોટા ભાગની બેંક અને દૂરસંચાર કંપનીઓ સમય સમય પર સિમ બદલવાને લઈને થતી છેતરપીંડીને લઈને એડવાઈઝરી જાહેર કરી રહે છે. તેમાં ગ્રાહકોને છેતરપીંડીથી બચવા માટે વિશે જાણકારી આપવામા આવે છે. એક વાર ગાઈડલાઈન બનાવ્યા બાદ ટેલીકોમ કંપનીઓ અને ગ્રાહકો માટે સિમ કાર્ડનો ખોટો ઉપયોગની તપાસ કરવાનું સરળ થઈ જશે.