Video / જેવા સાથે તેવા! 500 રૂપિયા બચાવવાના ચક્કરમાં 5000નું નુકસાન, વીડિયો વાયરલ

સોશિયલ મીડિયા પર દરરોજ કોઈને કોઈ વીડિયો વાયરલ થતાં હોય છે. જેમાં ઈન્સ્ટાગ્રામ, ફેસબૂક હોય કે પછી ટ્વીટર દરેક પ્લેટફોર્મ પર આવા વાયરલ થતાં હોય છે. હાલમાં એક પેટ્રોલ પંપ પરનો એક વીડિયો વાયરલ થઈ રહ્યો છે. જેની પર લોકોની મજેદાર કૉમેન્ટ આવી રહી છે. આવો જાણીએ કે આ વીડિયો વાયરલ કેમ થઈ રહ્યો છે.

જે વીડિયો વાયરલ થઈ રહ્યો છે તેમાં જોવા મળી રહ્યું છે કે,એક વ્યક્તિ પેટ્રોલ પંપ પર પોતાની કારમાં પેટ્રોલ ભરાવી રહ્યો હોય છે. ગાડીમાં પેટ્રોલ ભરાવ્યા બાદ પેટ્રોલ પંપનો કર્મચારી પૈસા માંગે છે પરંતુ કાર ચાલક પૈસા નથી આપતો. પછી તરત જ કાર ચાલક પેટ્રોલના ચૂકવ્યા વગર ત્યાંથી ભાગવા લાગે છે. કાર ધીમી ગતિએ હોવાથી  પેટ્રોલ પંપના કર્મચારીએ કંઈક એવું કર્યું જેનાથી કાર માલિકને મોટું નુકસાન થઈ ગયું. વીડિયોમાં જોઈ શકાય છે કે, તે કર્મચારી કારની પાછળનો કાચ તોડી નાખે છે.  આ વાયરલ વીડિયો ક્યારનો અને ક્યાંનો છે તે અંગે કોઈ માહિતી નથી મળી રહી.

વધુ વાંચો : રમત-રમતમાં જ બાળકે વોશિંગ મશીનમાં ઘુસી ચાલુ કરી સ્વીચ, પછી શું થયું? જુઓ Video

આ વાયરલ વીડિયો X પ્લેટફોર્મ પર @VishalMalvi_ નામના એકાઉન્ટથી પોસ્ટ કરવામાં આવ્યો છે. જેના કેપ્શનમાં લખ્યું હતું કે, '500 રૂપિયાની પાછળ કાર ચાલકને 5000 રૂપિયાનું નુકસાન થયું. આ વીડિયો લાખો લોકો જોઈ ચૂક્યા છે. જેમાં એક યુઝરે કૉમેન્ટ કરી કે, "સલામ છે તે વ્યક્તિને". બીજા યુઝરે લખ્યું કે, "એટલા માટે જ ચૂપચાપ પૈસા આપી દેવા જોઈએ". ત્રીજા યુઝરે લખ્યું કે, "વાહ સારું કર્યું યાર." ચોથા યુઝરે લખ્યું - , "જો કાર ચોરેલી હોય તો".

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ