શિલાન્યાસ / રામ મંદિર ઉજવણી નિમિત્તે ન્યુ યોર્કમાં કરાશે એવું કામ વિશ્વ ચકિત થઇ જશે

ન્યુ યોર્કનું ટાઈમ સ્કવેર 5મી ઓગસ્ટે ભગવાન રામની તસ્વીરો અને 3D પોર્ટરેટ્સથી ઝળહળી ઉઠશે. આયોજકોના મતે આ એક વૈશ્વિક ઉત્સવ બની જશે. અમેરિકા ઇન્ડિયા પબ્લિક અફેર્સ કમિટી જગદીશ સેહવાનીએ બુધવારે કહ્યું હતું કે આ ઐતિહાસિક ક્ષણે જયારે 5 ઓગસ્ટે PM મોદી રામમંદિરનો શિલાન્યાસ કરશે તેનું સ્વાગત કરવા માટે આ તૈયારીઓ કરવામાં આવી રહી છે. ન્યુ યોર્ક શ્રીરામની તસ્વીરોથી ઝગમગી ઉઠશે ટાઈમ સ્કવેરના પ્રખ્યાત નાસ્ડેક સ્ક્રિન અને 17000 સ્કવેર ફૂટના LED ડિસ્પ્લે સ્ક્રીન કોઈ પણ પ્રસંગ માટે જાહેરાતના બોર્ડ તરીકે પ્રખ્યાત છે. આ વિશ્વના સૌથી મોટા બિલ બોર્ડમાંથી એક માનવામાં આવે છે. 

શું ડિસ્પ્લે કરવામાં આવશે?

5 ઓગસ્ટે સવારના 8 વાગ્યાથી રાતના 10 વાગ્યા સુધી જય શ્રી રામ શબ્દો હિન્દી અને અંગ્રેજી ભાષામાં બિલબોર્ડ ઉપર ફરતા દેખાશે. અહીં ભગવાન રામની તસ્વીરો, વીડિયો, 3D પોર્ટરેટ્સ, મંદિરની ડિઝાઇન અને આર્કિટેક્ચર ઉપરાંત PM મોદીના શિલાન્યાસનો વીડિયો બતાવવામાં આવશે. નોંધનીય છે કે આ ટાઈમ સ્કવેરની સૌથી પ્રખ્યાત જગ્યા છે જે વિશ્વની સૌથી પોપ્યુલર ટુરિસ્ટ ડેસ્ટિનેશનમાંથી એક છે.

માનવ ઇતિહાસમાં એકમાત્ર વખત આ ઘટના થવા જઈ રહી છે

સેહવાનીના કહેવા પ્રમાણે ભારતીય મૂળના અમેરિકાના રહેવાસીઓ આ પ્રસંગે ટાઈમ સ્કવેરમાં ભેગા થશે અને ઉજવણી અને મીઠાઈઓની આપ લે કરવામાં આવશે. તેમના કહેવા પ્રમાણે માનવ ઇતિહાસમાં એકમાત્ર વખત આ ઘટના થવા જઈ રહી છે જેની ભવ્યાતિભવ્ય ઉજવણી થવા જઈ રહી છે. મંદિરનું નિર્માણ થશે એવું આજથી 6 વર્ષ પહેલા અશક્ય લાગતું હતું પરંતુ PM મોદીની આગેવાની હેઠળ આ શક્ય બન્યું છે તેવું તેમનું કહેવું છે.