બોલિવૂડ / પોતે ડ્રગ્સનો હેવી ડોઝ લઈને બેઠી લાગે છે! ભીખમાં આઝાદીના નિવેદન પર આ નેતાએ કંગનાને જોરદાર સંભળાવી

• મહારાષ્ટ્રના નવાબ મલિકે કંગનાના નિવેદનની નિંદા કરી 
• કંગનાનો વિવાદો સાથે જૂનો સંબંધ છે
• નવાબ મલિકે કહ્યું કે કેન્દ્રએ પદ્મશ્રી પરત લઈ લેવો જોઈએ.

કંગનાના આ નિવેદન પર રાજકીય ખળભળાચ મચ્યો છે. 

આઝાદી 2014માં મળી હતી એવા કંગનાના નિવેદન પર રાજકીય ખળભળાચ મચી જવા પામ્યો છે. કંગનાના વિવાદાસ્પદ નિવેદનની માત્ર નિંદા જ નથી થઈ રહી પરંતુ તેની પાસેથી પદ્મશ્રી પરત લેવાની માંગ પણ કરવામાં આવી રહી છે. હવે NCP નેતા અને મહારાષ્ટ્રના મંત્રી નવાબ મલિકે પણ કંગનાના વાસ્તવિક સ્વતંત્રતાના નિવેદન પર પ્રહારો કર્યા છે. નવાબ મલિકે શુક્રવારે કંગના રનૌતના નિવેદનની નિંદા કરી અને કહ્યું કે એવું લાગે છે કે બોલિવૂડ અભિનેત્રીએ નિવેદન આપતા પહેલા ભારે ડ્રગ્સનો ડોઝ લીધો હતો.

Mumbai | We strongly condemn actress Kangana Ranaut's statement (India got freedom in 2014). She insulted freedom fighters. Centre must take back the Padma Shri from Kangana & arrest her: Maharashtra Minister Nawab Malik pic.twitter.com/xTy2VPFohk

— ANI (@ANI) November 12, 2021

મહારાષ્ટ્રના નવાબ મલિકે કંગના રનૌતના નિવેદનની નિંદા કરી 

આર્યન ખાન કેસમાં NCB ઓફિસર સમીર વાનખેડે પર હુમલો કરનાર નવાબ મલિકે કંગના રનૌતના નિવેદનની નિંદા કરતા કહ્યું કે, '2014માં ભારતને આઝાદી મળી હોવાના કંગના રનૌતના નિવેદનની અમે સખત નિંદા કરીએ છીએ. અભિનેત્રીએ સ્વતંત્રતા સેનાનીઓનું અપમાન કર્યું હતું. કેન્દ્રએ કંગના પાસેથી પદ્મશ્રી પરત લઈ તેની ધરપકડ કરવી જોઈએ.મહારાષ્ટ્રના મંત્રી નવાબ મલિકે વધુમાં જણાવ્યું હતું કે એવું લાગે છે કે 2014માં ભારતને આઝાદી મળી હોવાનું નિવેદન આપતા પહેલા કંગના રનૌતે ભારે માત્રામાં ડ્રગ્સનો ઉપયોગ કર્યો હતો. તમને જણાવી દઈએ કે આ પહેલા વરુણ ગાંધીથી લઈને ઘણા નેતાઓ કંગના રનૌતની ટીકા કરી ચૂક્યા છે.

શું છે સમગ્ર મામલો 

હકીકતમાં,અભિનેત્રી કંગના રનૌતે એવું કહીને વિવાદ ઉભો કર્યો હતો કે, ભારતને 1947માં આઝાદી મળી, પણ ભીખ માંગીને અને આઝાદી 2014માં મળી છે. જ્યારે નરેન્દ્ર મોદી સરકાર સત્તામાં આવી. ભૂતકાળમાં વિવાદાસ્પદ નિવેદનો આપતી કંગના આ નિવેદનથી ફરી એકવાર વિવાદમાં આવી ગઈ છે. આમ આદમી પાર્ટીએ મુંબઈ પોલીસને અરજી દાખલ કરીને કંગના સામે "રાજદ્રોહ પૂર્ણ અને ઉશ્કેરણીજનક" નિવેદનો કરવા બદલ કેસ નોંધવાની માંગ કરી છે. બીજી બાજુ ભારતીય જનતા પાર્ટીના સાંસદ વરુણ ગાંધી, સોશિયલ મીડિયા યુઝર્સ અને અન્ય સહિત કેટલાક રાજકારણીઓએ બુધવારે સાંજે એક કાર્યક્રમમાં અભિનેત્રીના નિવેદન પર તીવ્ર પ્રતિક્રિયા આપી છે.

કંગનાનો વિવાદો સાથે જૂનો સંબંધ છે

કંગના રનૌત તેના વિવાદાસ્પદ નિવેદનો માટે અવારનવાર સમાચરમાં રહે છે. પછી તે ફિલ્મ નિર્માતા કરણ જોહર સાથે ભત્રીજાવાદને લઈને તેનો ઝઘડો હોય, અભિનેતા-ગાયક દિલજીત દોસાંઝ સાથે ખેડૂતોના વિરોધને લઈને ઝઘડો હોય, મહારાષ્ટ્રમાં સત્તાધારી શિવસેના સરકારની ટીકા કરનારા હોય, પછી તે તેના ટ્વિટ્સ હોય અથવા મુંબઈની સરખામણી પાકિસ્તાન અધિકૃત કાશ્મીર સાથે કરવાની ચર્ચા છે. તેણે અભિનેતા સુશાંત સિંહ રાજપૂતના મૃત્યુ બાદ મુંબઈમાં અસુરક્ષિત અનુભવવાની વાત કરી હતી.