આજના જમાના સમગ્ર કામ ઓનલાઈન મારફત કરવાનો ટ્રેન્ડ ચાલી રહ્યો છે. જ્યારે દિવસે દિવસે લોકો આ વસ્તુનો ગેરફાયદો ઉઠાવી રહ્યાં છે. અને ઓનલાઈન છેતરપીંડીના કિસ્સાઓ વધી રહ્યાં છે.જ્યારે હવે OLX પર વધારે એક છેતરપીંડી થઈ તેઓ કિસ્સો સામે આવ્યો છે.
ઓનલાઇન ખરીદીનો ટ્રેન્ડ વધ્યો છે
OLX એક યુવતી સાથે થઈ છેતરપીંડી
યુવતીએ ઓનલાઈન કાર ખરીદી હતી
અત્યારે ઓનલાઇન ખરીદીનો ટ્રેન્ડ વધ્યો છે. લોકો સેકન્ડહેન્ડ વસ્તુઓ પણ ઓનલાઇન વેચી અને ખરીદી રહ્યા છે. ઓનલાઇન છેતરપિંડીના કિસ્સા પણ વધી રહ્યા છે.
રખિયાલ વિસ્તારમાં આવેલ નરોત્તમ મહારાજની ચાલીમાં રહેતી શાહીનબાનુ શેખે રખિયાલ પોલીસ સ્ટેશનમાં ફરિયાદ કરી છે. યુવતીને કાર સેકન્ડ હેન્ડ ખરીદવા માટે ઓનલાઇન સર્ચ કરતી હતી. તે દરમિયાનમાં ઓએલએક્સ પર એક કાર પસંદ પડતાં યુવતીએ યુવકની સાથે મોબાઇલ પર વાતચીત કરી હતી. યુવકે યુવતીને કહ્યું કે હું અરવિંદકુમાર કાથરોટિયા સુરત શહેરનો રહેવાસી છું અને નાગપુર ખાતે એરપોર્ટ પર આર્મીનો જવાન છું અને હાલમાં મારે થોડા સમયમાં શ્રીનગર ખાતે બદલી થવાની હોવાથી મારે બીજી જગ્યાએ જવાનું છે. તેથી ઇકો કાર વેચવાની છે. તેમ કહીને ૧.૪૦ લાખ રૂપિયામાં કાર વેચવાનું નક્કી થયું હતું.
ત્યારબાદ અરવિંદેએ પૈસા જમા કરવો તમારી કાર ટ્રાન્સપોર્ટથી તમારા એડ્રેસ પર કાર આવી જશે. તેમ કહીને યુવતીને વિશ્વાસમાં લીધી હતી. જેથી યુવતીને અરવિંદે કોઈ સુમન નામની મહિલાનો એકાઉન્ટ નંબર આપ્યો હતો જેમાં યુવતીએ મહિલાના બેન્ક ખાતામાં ટુકડે ટુકડે ૭૨ હજાર રૂપિયા જમા કરાવ્યા. ત્યારબાદ યુવતીએ અરવિંદનો સંપર્ક કરતાં તેણે મોબાઈલ બંધ કરી દીધો હતો.
અરવિંદનો ફોન બંધ આવતાં અને કાર ન મોકલીને ફ્રોડ કરતાં યુવતીએ રખિયાલ પોલીસ સ્ટેશનમાં ફરિયાદ કરી હતી.