વાહ અદ્દભુત ! / ભૂખ લાગી હોય અને ખાવાનું કંઈ ન મળે તો જોઈ લો તમારા ફેવરિટ ફૂડનો ફોટો, ભરાઈ જશે પેટ

• ખોરાકનો ફોટો જોઈને પણ ભૂખ સંતોષી શકાય છે
• 30 થી વધારે ફોટો જોવાથી મળશે ફાયદો
• ફક્ત ઇમેજન કરવાથી મળી શકે છે રિયલ રિસપોન્સ 

જ્યારે આપણને ભૂખ લાગે છે, ત્યારે એવું લાગે છે કે આપણને ગમે ત્યાંથી બસ ખાવાનું મળી જાય. જ્યારે આપણે ભૂખ્યા હોઈએ છીએ, ત્યારે આપણે તે વસ્તુઓ ખાવા માટે તૈયાર છીએ જે આપણને બિલકુલ પસંદ નથી. જો કે, આજકાલ દરેક ગલી અને ચાર રસ્તાઓમાં નવી રેસ્ટોરાં ખુલી છે. પરંતુ ઘણી વખત આપણે એવી પરિસ્થિતિમાં અટવાઈ જઈએ છીએ જ્યારે આપણી આસપાસ ખાવા માટે કંઈ જ ન હોય અને ખાણીપીણીની દુકાનો પણ બંધ હોય. આવી સ્થિતિમાં, જ્યારે ભૂખ લાગે છે, ત્યારે સહનશક્તિ પણ જવાબ આપે છે. પરંતુ શું તમે જાણો છો કે આવી સ્થિતિમાં તમારા મનપસંદ ફૂડનો ફોટો જોઈને પણ તમારું પેટ ભરાઈ શકે છે?

આ સાંભળીને તમને મજાક લાગશે. પરંતુ એક સ્ટડીમાં દાવો કરવામાં આવ્યો છે કે, ખોરાકનો ફોટો જોઈને પણ ભૂખ સંતોષી શકાય છે. એક મેગેઝિનમાં પ્રકાશિત થયેલા એક સ્ટડી અનુસાર, તમે જેટલી વાર ખોરાકની તસવીરો જુઓ છો, તેટલી જ તમારી ભૂખ ઓછી થાય છે.

30 થી વધારે ફોટો જોવાથી મળશે ફાયદો
આ અભ્યાસના લેખકે કહ્યું કે, આ સંશોધનના પરિણામો અનુસાર, 30 થી વધુ વખત ખોરાકનો ફોટો જોનારા સહભાગીઓએ તેમના પેટમાં વધારેલુ ભરેલું અનુભવ્યું. આ અભ્યાસ દરમિયાન, જે લોકોએ ઘણી વખત ખોરાકનો  ફોટો જોયો હતો, તેઓએ ખાવા માટે ઓછો ખોરાક લીધો. આ સ્ટડીમાં સામેલ લોકો કંઈપણ ખાધા વિના પણ પેટ ભરેલા અનુભવી રહ્યા હતા.

ફક્ત ઇમેજન કરવાથી મળી શકે છે રિયલ રિસપોન્સ 
એક યુનિવર્સિટીના જણાવ્યા અનુસાર, તમે રિસર્ચના પરિણામોને તમે બ્રેન રિસર્ચમાં  'ગ્રાઉન્ડેડ કોગ્નિશન થિયરી' સાથે આ વધુ સારી રીતે સમજી શકો છો. ઇમેજન કરો કે, તમે કાચી કેરીની સ્લાઈસ તેના પર થોડું મરચું અને મીઠું છાંટીને ખાઈ રહ્યા છો. ફક્ત ઇમેજન કરવાથી તમને લાગશે કે તમે ખરેખર કાચી કેરી ખાઈ રહ્યા છો. રિસર્ચરનું કહેવુ છે કે,ખોરાકની કલ્પના કરીને પણ તમને તે જ રિસપોન્સ મળશે, જે તમને ખરેખર ખાવાથી મળે છે. આ જ કારણ છે કે, તમે ફૂડનો ફોટો જોઈને પણ પેટ ભરેલું અનુભવી શકો છો.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.