2021ના તહેવારોની સિઝન શરુ થઈ રહી છે. આ એવો સમય છે, જ્યારે ભારતીય ઓટોમોબાઈલ ઈન્ડસ્ટ્રી ટૂ-વ્હીલર અને કાર બંને માર્કેટમાં લોન્ચ કરે છે. મારૂતિ, મહિન્દ્રા અને ટાટા સહિત લગભગ મુખ્ય કંપનીઓએ તહેવારો માટે સંપૂર્ણ તૈયારી કરી લીધી છે. અહીં ભારતમાં જે 5 કાર લોન્ચ થવાની છે, તે અંગે અમે તમને માહિતી આપીશું.
નવી કાર ખરીદવા માટે તપાસ કરી રહ્યાં છો?
મારૂતિ સહિત આ કંપનીઓ લોન્ચ કરશે 5 કાર
કંપનીઓએ તહેવારો માટે તૈયારીઓને આપ્યો આખરી ઓપ
2022 મારૂતિ Celerio
ભારતની સૌથી મોટી કાર નિર્માતા કંપની ટૂંક સમયમાં ભારતમાં નવી જનરેશન Celerioને લોન્ચ કરવાની જાહેરાત કરી શકે છે. આ કારને ઘણી વખત ભારતીય માર્ગો પર ટેસ્ટ દરમ્યાન સ્પોટ કરવામાં આવી છે. ટૂંક સમયમાં માર્કેટમાં આવવાની સંભાવના છે. જેમાં નવા ફીચર્સની સાથે બહારની ડિઝાઈન પણ નક્કી કરાશે. આ કારમાં 1.2 લીટર પેટ્રોલ એન્જિનની સાથે સીએનજી વિકલ્પ પણ મળી શકે છે.
Tata Punch
સફારી નિર્માતાએ ભારતીય માર્કેટમાં નવી પંચ માઈક્રો-એસયુવીનો ખુલાસો પહેલેથી જ કરી દીધો છે. આ એક બિલ્કુલ નવી પ્રોડક્ટ આવી રહી છે. જેના માધ્યમથી મારૂતિ ઈગ્રિસ અને મહિન્દ્રા કેયુવી 100 જેવી કારને ટક્કર આપવાનું ટાટાનું લક્ષ્ય છે. નવા પંચની કિંમતોનો ખુલાસો આગામી થોડા અઠવાડિયામાં થવાની આશા છે.
MG Astor
MG મોટર ઈન્ડિયાની MG Astor દેશમાં હ્યુન્ડાઈ ક્રેટા અને કિઆ સેલ્ટોસને ટક્કર આપવા માટે લગભગ તૈયાર છે. કાર નિર્માતાએ તેની કિંમતો છોડતા પહેલાં નવી Astor અંગે બધી માહિતીને રોલ આઉટ કરી દીધી છે. આશા છે કે આવતા અઠવાડિયામાં આ કારની કિંમત બહાર આવી જશે.
ન્યૂ-જેન ફોર્સ ગુરખા
મહિન્દ્રા થારને ટક્કર આપવા માટે ન્યૂ-જેન ફોર્સ ગુરખાને ભારતીય માર્કેટમાં 27 સપ્ટેમ્બરે લોન્ચ કરવામાં આવશે. ફોર્સે 2021 માટે ઘણા સારા ફીચર્સવાળી કારની માહિતીનો ખુલાસો પહેલાંથી જ કરી દીધો છે.
ટોયોટો બેલ્ટા
અફવા છે કે ટોયોટો બેલ્ટા, મારૂતિ સિયાજનો એક રિબેઝ વર્ઝન હોઈ શકે છે. જોકે, હજી સુધી તેની કોઈ સત્તાવાર પુષ્ટિ કરવામાં આવી નથી. પરંતુ કહેવામાં આવી રહ્યું છે કે આ કારને ચાલુ વર્ષના અંત સુધીમાં લોન્ચ કરાશે.