ચૂંટણી / મતદાનના માહોલમાં જુઓ ગુજરાતમાં ક્યાં બની નોખી-અનોખી ઘટનાઓ?

લોકોએ કર્યું અનોખી રીતે મતદાન

અરવલ્લી

અરવલ્લીના બાયજના ખાંડા ગામે વરરાજાએ મતદાન કર્યું હતું. પરણવા જતાં પહેલાં વરરાજા જાન લઈને મતદાન મથકે પહોંચ્યા હતા અને મતાધિકારનો ઉપયોગ કર્યો. સાથે જ યુવાનોને ફરજિયાત મતદાન કરવા અપીલ કરી. તો અરવલ્લીમાં એક કન્યાએ લગ્ન પહેલાં પરિવાર સાથે મતદાન મથકે પહોંચી અને મતાધિકારનો ઉપયોગ કર્યો.

ખેડા

ખેડા જિલ્લામાં લોકસભા ચૂંટણીમાં ઉત્સાહભેર મતદાન આવ્યા હતા. ગળતેશ્વરના સેવાલિયામાં નવા મતદારોને ગ્રામજનોએ વધાવ્યા હતા અને પહેલીવાર મતદાન કરનારા 100 યુવાનો ઢોલ સાથે મતદાન મથકે પહોંચ્યા હતા.

 

#Kheda જિલ્લામાં લોકસભા ચૂંટણીમાં ઉત્સાહભેર મતદાન ,ગળતેશ્વરના સેવાલિયામાં નવા મતદારોને ગ્રામજનોએ વધાવ્યા ,પહેલીવાર મતદાન કરનારા 100 યુવાનો ઢોલ સાથે પહોંચ્યા.#VoteKar #GeneralElection #LokSabhaElections2019 #GujaratVoting#Phase3 #VTVMyVote pic.twitter.com/cHXvF2dd5n

— VTV Gujarati News (@VtvGujarati) April 23, 2019

ભરૂચ

ભરૂચના કોસમડી ગામે શરીર પર પીઠી લગાવેલી કન્યા મતદાન મથકે પહોંચી હતી અને મતાધિકારનો ઉપયોગ કર્યો હતો. 

વડોદરા

વડોદરામાં મતદાન જાગૃતિ માટે અનોખી પહેલ કરાઇ પ્રથમ વખત મત આપી રહેલા લોકો ગરબા કરી અને મતદાન કરવા પહોંચ્યા. ત્યારે શાહીદીપનગર સોસાયટીના નાગરીકોએ અનોખી પહેલ કરી અને આ વખતે પ્રથમ વખત મત આપવા જઇ રહેલા યુવા મતદારોને ગુલાબનું ફુલ આપ્યું અને લોકોને વધુમાં વધુ મતદાન કરવા અપીલ કરી.
 

બનાસકાંઠા

બનાસકાંઠાના થરાદ ખાતે મહિલાઓ અલગ અંદાજમાં જ મતદાન કરવા પહોંચી...થરાદના લુણાવા ગામમાં મહિલાઓ લોકગીતો ગાતા-ગાતા અને મતદાન મથકે પહોંચી...ત્યારે મતદાન માટે મહિલાઓનો આ અનોખો અંદાજ સમગ્ર લુણાવા ગામમાં છવાયો છે...


જૂનાગઢ

જૂનાગઢમાં લગ્ન કરતાં પહેલાં વરરાજાએ મતદાન કર્યું. વરરાજા જાન લઈને મતદાન મથકે પહોંચ્યા હતા અને મતાધિકારનો ઉપયોગ કર્યો હતો.

 

#Junagadh માં લગ્ન કરતાં પહેલા જાન લઈ મતદાન મથક આવ્યા વરરાજા,લગ્ન પહેલાં કર્યું મતદાન.#VoteKar #GeneralElection #LokSabhaElections2019 #GujaratVoting#Phase3 #VTVMyVote pic.twitter.com/z7fYX4U9P8

— VTV Gujarati News (@VtvGujarati) April 23, 2019

રાજકોટ

રાજકોટમાં વર-વધુએ મતદાન કર્યું. વર અન વધુ મતદાન મથકે પહોંચ્યા અને મતાધિકારનો ઉપયોગ કર્યો.

દ્વારકા

દ્વારકામાં 108 વર્ષની ઉમરના દાદાએ મતદાન કર્યું છે. દેવળીયા ગામના વૃધ્ધે દાદાએ 108 વર્ષની ઉમરમા મતદાનની ફરજ નિભાવી છે અને મતાધિકારનો ઉપયોગ કર્યો. સાથે જ યુવાનોને ફરજિયાત મતદાન કરવા અપીલ કરી હતી.

મહિસાગર

જ્યારે મહિસાગરમાં સ્થાનિકોને મતાધિકારોનો ઉપયોગ કરવા માટે નાવડીનો સહારો લેવો પડી રહ્યો છે. સંતરામપુરના ટીમલા પશ્ચિમ ગામના 250 જેટલા મતદારોએ જીવના જોખમે મત આપ્યો છે. બુથ કડાણા ડેમના પાણીની સામે ટીમલા પૂર્વ ગામમાં હોવાથી ગ્રામજનોને 2 કિલોમીટર સુધી જળમાર્ગે જવુ પડ્યુ.