સુરતના હાર્દ સમા વિસ્તાર અઠવા ઝોન વિસ્તારમાં ભારે વરસાદ વરસ્યો હતો. વેસુ સ્થિત ભગવાન મહાવીર કોલેજમાં બે ફૂટથી વધારે પાણી ભરાતાં વિધાર્થીઓ હાંફળા-ફાંફળા થયા હતા.
સુરતની સડકો પર વહેતી નદીઓ
હજુ પણ પાંચ દિવસ ભારે વરસાદ ;આગાહી
સડકો તૂટી,ચારે તરફ જળબંબાકાર
દક્ષિણ ગુજરાતમાં ભારે વરસાદ વરસી રહ્યો છે.તેમાં પણ ખાસ કરીને સુરત જિલ્લામાં મેઘરાજા મન મૂકીને વરસી રહ્યા છે.સુરત શહેર ઉપરાતં ગ્રામ્ય વિસ્તારમાં સારો વરસાદ થતા ખેડૂતોમાં ખુશીનો માહોલ છે.શહેરના અનેક વિસ્તારમાં પાણી ભરાઈ જતા વાહનચાલકોને ભારે મુશ્કેલીનો સામનો કરવો પડ્યો હતો.
કોલેજમાં ભરાયા પાણી -વિદ્યાર્થીઓનો રેસ્ક્યુ
શહેરના હાર્દ સમા વિસ્તાર અઠવા ઝોન વિસ્તારમાં ભારે વરસાદ વરસ્યો હતો.આ સમયે શહેરના અનેક માર્ગો તથા વિસ્તારોમાં પાણી ભરાવાની સમસ્યા સામે આવી છે. વેસુ સ્થિત ભગવાન મહાવીર કોલેજમાં બે ફૂટથી વધારે પાણી ભરાઇ ગયું હતું. આથી આ કોલેજના વિદ્યાર્થીઓએ વરસાદી પાણીમાં અટવાઇ ગયો હતાં આથી કોલેજમાં દોડધામ થઇ ગઇ હતી. જો કે કોલેજના સંચાલકો દ્વારા ઘટનાની જાણ પાલિકાના સત્તાધિશોને કરાતા કાફલો મહાવીર કોલેજ પહોચ્યો હતો. પાણીમાં ફસાયેલા ૩૦૦ જેટલા વિદ્યાર્થીઓને રેસક્યુ કરી સલામત રીતે બહાર કાઢવાની કામગીરી શરૂ કરી હતી.
સડકો ખસ્તા-હાલ,મરમ્મતનો નિર્ણય
રાજ્યમાં હજુ પણ ચારથી પાંચ દિવસ ભારે વરસાદની આગાહી છે જેમાં દક્ષિણ ગુજરાત અને સૌરાષ્ટ્રનો સમાવેશ પણ થાય છે ત્યારે આજે સવારે પણ અઠવા ઝોન વિસ્તારમાં ભારે વરસાદ વરસ્યો હતો દરમિયાન શહેરમાં અનેકવિધ સ્થળોઍ માર્ગો - વિસ્તારોમાં પાણી ભરાવાની સમસ્યા સર્જાઈ હતી.સુરત મ્યુનિ. વિસ્તારમાં ચોમાસાની સાથે જ સંખ્યાબંધ રસ્તા તુટી જતાં લોકોમાં ભારે રોષ છે. લોકોના રોષને જોઈને પાલિકા તંત્રએ તાત્કાલિક રસ્તા રીપેર કરવાની કામગીરી શરૃ કરી દીધી છે. તો બીજી તરફ આજે સ્થાયી સમિતિએ રસ્તા રીપેરીંગની કામગીરી માટે સર્વેની એક ટીમ બનાવવાની જાહેરાત કરી દીધી છે. કોન્ટ્રાક્ટરના ગેરેન્ટી પીરીયડ હેઠળના અને ગેરન્ટી પીરીયડ પુરો થયો છે તેવા રસ્તાનો સર્વે કરીને રીપેરીંગની કામગીરી હાથ ધરવામાં આવશે
નાગરિકોમાં રોષ
સુરતમાં છેલ્લા કેટલાક દિવસથી વરસાદની ધુંવાધાર બેટીંગના કારણે સંખ્યાબંધ રસ્તાઓ તદ્દન બિસ્માર થઇ ગયા છે. કેટલાક રસ્તાઓ તો આખાને આખા ધોવાઈ ગયા છે તો કેટલીક જગ્યાએ મોટા મોટા ખાડાઓ પડી ગયાં છે. તુટેલા રસ્તાઓના કારણે લોકોમાં ભારે રોષ ફેલાઈ રહ્યો છે તેના કારણે પાલિકા તંત્રએ તાત્કાલિક આદેશ આપીને રસ્તાઓ રીપેરીગ કરવાની કામગીરી શરૃ કરી દીધી છે. શહેરમાં અનેક રસ્તાઓ તુટી ગયાં છે તેને રીપેરીંગની કામગીરી પણ શરૃ થઈ ગઈ છે.