વર્ષ 2021 શરૂ થઈ ગયું છે. 2020માં તો કોરોનાના કારણે તમે કશે બહાર જઈ શક્યા નથી તો આ વર્ષે કેટલાક મહિનામાં લાંબા વીકેન્ડ તમને મળી ર્યા છે. આ વીકેન્ડમાં તમે ખાસ રજાઓમાં ફરવાનો પ્લાન પહેલાંથી તૈયાર કરી શકો છો. તો જાણી લો આ વર્ષે ક્યારે ક્યારે તમને લાંબી રજાઓ મળી રહી છે.
વર્ષ 2021માં છે અનેક લાંબી રજાઓ
લિસ્ટ અનુસાર પ્લાન કરી લો તમારા ખાસ વીકેન્ડ
આજથી બનાવી લો ફરવાનો ખાસ પ્લાન
જાન્યુઆરી
14 જાન્યુઆરીએ અનેક જગ્યાઓએ ઉત્તરાયણનો તહેવાર અને તેની રજા હોય છે. આ દિવસે ગુરુવાર છે. શુક્રવારે તમે રજા લઈને લોન્ગ વીકેન્ડ પ્લાન કરી શકો છો. આ સિવાય 26 જાન્યુઆરીએ મંગળવાર છે. તો તમે સોમવારની રજા લઈને 23-26 સુધીની રજાની મજા માણવાનો પ્લાન પણ કરી શકો છો. આ માટે હાલમાં બેસ્ટ ડેસ્ટિનેશન તમારા માટે ગોવા હોઈ શકે છે.
ફેબ્રુઆરી
અનેક જગ્યાઓએ વસંત પંચમીની રજા હોય છે. આ વર્ષે 16 ફેબ્રુઆરીએ તેની રજા છે. આ દિવસે મંગળવાર છે. જો તમે 15 ફેબ્રુઆરીએ રજા લો તો તમે 4 દિવસની એકસાથે રજા પ્લાન કરીને કોઈ મોટી ટ્રિપ પર જઈને ફ્રેશ થઈ શકો છો. તમે ઈચ્છો તો તમારા વેલેન્ટાઈન ડેને પણ કોઈ સારી જગ્યાએ પ્લાન કરી શકો છો.
માર્ચ
11 માર્ચે ગુરુવારે મહાશિવરાત્રિ છે. 12 માર્ચની રજા લઈને તમે શનિવાર અને રવિવાર સહિત લોન્ગ વીકેન્ડ પ્લાન કરો તે પણ શક્ય છે. આ સમયે તમે ઉત્તરાખંડ કે હિમાચલ ફરવાનો પ્લાન કરી શકો છો.
એપ્રિલ
2 એપ્રિલે ગુડ ફ્રાઈડેની રજા છે. આ સાથે તમે 3 દિવસા લોન્ગ વીકેન્ડનું પ્લાનિંગ કરી શકો છો. મેઘાલયના પહાડો આ સમયે તમારા માટે ડ્રીમ ડેસ્ટિનેશન બની શકે છે.
મે
આ મહિનામાં પણ તમે એક વાર લોન્ગ વીકેન્ડનો ચાન્સ મેળવી શકશો. 23 મે ગુરુવારના રોજ ઈદ ઉલ ફિતરની રજા છે. 14 તારીખે શુક્રવારે તમે રજા લો અને વીકેન્ડની મજાનો પ્લાન આજથી જ તૈયાર કરો. આ માટે તમે તકાનાતાલ, બિનસર, જિમ કોર્બેટ કે ચકરાતાની મુલાકાત લઈ શકો છો. આ એડવેન્ચર ટ્રિપ તમારા માટે યાદગાર રહેશે.
ઓગસ્ટ
આ મહિનામાં તમે 2 વખત લોન્ગ વીકેન્ડનો લાભ મેળવી શકો છો. 2 મહિના સતત કામ કર્યા બાદ ફ્રેશ થવાનો પ્લાન હોય તો તમે આ તૈયારી કરી લો. ગુરુવારે 19 ઓગસ્ટે મોહરમ છે. એવામાં શુક્રવારની રજા લઈને તમે લોન્ગ વિકેન્ડ પ્લાન કરી શકો છો આ સિવાય 30 ઓગસ્ટે જન્માષ્ટમી છે. તો તમે 28-30 તારીખે પણ વીકેન્ડ પ્લાન કરી શકો છો. આ 3 દિવસની ટ્રિપ માટે તમે કૌસાની, લેડ્સડાઉન અને ઋષિકેશની જગ્યાઓને પસંદ કરી શકો છો.
ઓક્ટોબર
ઓક્ટોબરમાં તમને 2 લોન્ગ વીકેન્ડ મળી રહ્યા છે. 7 ઓક્ટોબરે ગુરુવારે અગ્રસેન જયંતી છે. તમે 8 તારીખની રજા લઈને વીકેન્ડમાં કેરલા, કર્ણાટક કે ગુજરાત જેવી જગ્યાઓએ જઈ શકો છો. 15 ઓક્ટોબરે શુક્રવારે દશેરા છે. આ સમયે પણ તમે 3 દિવસના વીકેન્ડને પ્લાન કરી શકો છો.
નવેમ્બર
આ મહિનામાં 4 તારીખે ગુરુવાર છે અને દિવાળીનો તહેવાર છે. આ સમયે તમે શુક્રવારની રજા લઈને 4 દિવસનો લોન્ગ વીકેન્ડ પ્લાન કરો તે યોગ્ય છે. આ સમયે બરફની મજા લેવા માટે તમે પહાડોની મુલાકાત લઈ શકો છો અને રજાની સાથે દિવાળીને પણ યાદગાર બનાવી શકો છો.