ટ્રાફિક રૂલ્સ / અમદાવાદ RTOમાં આજે પણ લાગી લાંબી લાઈન, હજારો લોકોના ધસારા સામે મહેકમ અને કોમ્પ્યુટર ઓછા

• દિવસમાં 12 કોમ્પ્યુટર્સમાં 1300 જેટલી જ એન્ટ્રીઓ થઇ શકે છે
• એકબાજુ કિડીયારુ ઉભરાયુ હોય તેવી RTOમાં દ્રશ્ય ઉભુ થયુ
• એક કોમ્પ્યુટર પર માંડ 110 જેટલા અરજદારોની એન્ટ્રી થાય છે

અમદાવાદ RTOમાં લાઈનો ઓછી થવાનું નામ નથી લેતી. છઠ્ઠા દિવસે પણ સતત લાઈનો વધી રહી છે. લાઈસન્સ, બુક, HRSP નંબર પ્લેટ માટે અરજદારનો ધસારો જોવા મળી રહ્યો છે. રોજના 500થી વધુ લાઈસન્સ અને 1000થી વધુ લોકો તો ખાલી લાઈસન્સ માટે જ આવે છે. 

કેમ લાગી છે લાંબી લાંબી લાઈનો?
લાઈસન્સ, આરસી બુક, HRSP નંબર પ્લેટ માટે અરજદારનો ધસારો જોવા મળી રહ્યો છે. એક બાજુ RTOમાં સ્ટાફની અછત છે ને એકબાજુ નવા ટ્રાફિક નિયમોને કારણે લોકો RTOમાં દોટ મૂકી રહ્યા છે. એકબાજુ કિડીયારુ ઉભરાયુ હોય તેવી RTOમાં દ્રશ્ય ઉભુ થયુ છે. 

RTOમાં છે માત્ર 12 જ કોમ્પ્યુટર 
RTOના કામકાજ માટે માત્ર 12 જ  કોમ્પ્યુટર રાખવામાં આવ્યાં છે. રોજના અંદાજિત 500 અરજદારો કાચા લાઇસન્સ માટે આવતા હોય છે. જ્યારે એક હજારથી વધુ લાઇસન્સ રિન્યુ કરાવવા માટે આવે છે. એક કોમ્પ્યુટર પર માંડ 110 જેટલા અરજદારોની એન્ટ્રી થાય છે. એટલે આખા દિવસમાં 12 કોમ્પ્યુટર્સમાં 1300 જેટલી જ એન્ટ્રીઓ થઇ શકે છે. સામે લોકોનો ધસારો હજારોમાં છે.