ચેતવણી / ગુજરાત અને દિલ્હીમાં 'કંઇક મોટું' થવાના એજન્સીએ આપ્યા સંકેત, હાઇ અલર્ટ જાહેર

• દિલ્હી અને ગુજરાતમાં આતંકી હુમલાની દહેશત
• લોન વુલ્ફ એટેકના રૂપમાં ઘટનાને આપી શકે અંજામ 
• તમામ સ્થળે અપાયું હાઇ એલર્ટ

ત્યારબાદ એક આતંકવાદી જાફરને એટીએસની ટીમે વડોદરાથી ઝડપી પાડ્યો હતો. ચારેયની પૂછપરછમાં ચોંકાવનારો ઘટસ્ફોટ થયો છે કે વિદેશમાં બેઠેલા હેન્ડલરે તેમને ર૬ જાન્યુઆરી પહેલાં કંઇક મોટું કરવાના નિર્દેશ આપ્યા હતા, જેમાં લોન વુલ્ફ એટેક પણ સામેલ હતો. કોઇ આતંકવાદી એકલો અચાનક હુમલો કરે એને લોન વુલ્ફ એટેક કહેવાય છે. 

દિલ્હી પોલીસે ચારેય જણાની આકરી પૂછપરછ કરી છે, જેમાં ચારેય જણા તામિલભાષી હોવાના લીધે શરૂઆતમાં તો કેટલીક સ્માસ્યા આવી, પરંતુ ટ્રાન્સલેટરની મદદથી આરોપીઓએ જણાવ્યું કે બે આતંકીઓ તા.ર૬ પહેલાં ગુજરાત અને દિલ્હીમાં કોઇ મોટી ઘટનાને અંજામ આપવાની તૈયારી કરી રહ્યા છે. પાકિસ્તાનની આઇએસઆઇ ઇચ્છે છે કે ભારતના જ રહેવાસી કેટલાક રેડિક્લાઇઝ યુવકો આતંકવાદી ઘટનાને અંજામ આપે છે તો બધો આરોપ આઇએસઆઇએસ પર લાગશે. 

ચારેય આતંકવાદીઓની કરાઇ પૂછપરછ 

સ્પેશિયલ સેલના એસીપી લલિત મોહન નેગીએ જ્યારે ચારેય આતંકવાદી સાથે પૂછપરછ કરી તો તામિલભાષી હોવાના લીધે થોડી સમસ્યા આવી, પરંતુ ચારેયનાં નિવેદન બાદ અને ટેકનિકલ સર્વેલન્સ પાસેથી સ્પેશિયલ સેલને જાણવા મળ્યું કે વિદેશમાં બેઠેલા આ હેન્ડલર કોઇ બીજા નહીં, પરંતુ પાકિસ્તાનથી આતંકવાદી રહેલ આઇએસઆઇનો એક અધિકારી છે, જેણે ભારતમાં આતંકવાદ ફેલાવવાનું કાવતરું રચ્યું છે. 

લોન વુલ્ફ એટેકના રૂપમાં ઘટનાને આપી શકે અંજામ 

સ્પેશિયલ સેલને મળેલી આ જાણકારી બાદ દેશભરમાં સુરક્ષા એજન્સીઓ ફરાર બે આતંકવાદીઓને શોધવામાં લાગી ગઇ છે, જે હજુ સુધી ફરાર છે, કારણ કે સ્પેશિયલ સેલને મળેલા ઇનપુટ અનુસાર આ લોકો ર૬ જાન્યુઆરી પહેલાં લોન વુલ્ફ એટેકના રૂપમાં કોઇ મોટી ઘટનાને અંજામ આપી શકે છે, જોકે આ છ આતંકવાદીના કોઇ મોટી ઘટનાને અંજાપ આપવાના ટ્રેન્ડને જોઇ પોલીસને લાગે છે કે આ લોકો ફક્ત હિન્દુ નેતા અને કોઇ પોલીસના મોટા અધિકારી પર ગોળી ચલાવ્યા બાદ સ્ટેબ ઇંઝરી કરી શકે છે. 

ગુજરાત અને દિલ્હીમાં હાઇ એલર્ટ 

સૂત્રોના અનુસાર આઇએસઆઇના નામ પર આતંકવાદી હુમલો કરાવવા પાછળ કોઇ બીજા નહીં, પરંતુ પાકિસ્તાની ગુપ્તચર એજન્સી આઇએસઆઇનો હાથ છે. સોમવારે સ્પેશિયલ સેલ ચારેય આતંકવાદીઓને પટિયાલા હાઉસ કોર્ટમાં રજૂ કરી રિમાન્ડ લગાવવામાં આવ્યા અને આતંકવાદીઓને આ કાવતરાને ઉઘાડું પાડી દીધું. એલર્ટના પગલે ગુજરાત અને દિલ્હીમાં હાઇ એલર્ટ પર છે ત્યારે ધાર્મિક સ્થળો, ભીડવાળી જગ્યા, રેલવે સ્ટેશન, બસ સ્ટેન્ડ પર પોલીસે બંદોબસ્ત ગોઠવી દીધો છે.