લોકસભા ચૂંટણી 2019ની તૈયારીઓ જોરદાર ચાલી રહી છે, તમામ પાર્ટીઓ પોતાના પ્રત્યાશીઓને લઇને સતત અનાઉન્સમેન્ટ કરી રહી છે કે કોણ ક્યાંથી ટિકીટ મેળવશે અને ચૂંટણી લડશે. લોકતંત્રના આ મહાકુંભમાં પોતાની કિસ્મત અજમાવી રહેલા લોકોને આ વખતે ફોર્મ ભરવા માટે ચક્કર મારવા પડશે નહીં. એ માત્ર બટણ દબાવીને નામાંકન ભરવાથી લઇને પ્રચાર માટે વાહનોની મંજૂર, રેલીઓની પરમિશન, ચૂંટણી ચિહ્ન સહિત બીજી તમામ સુવિધાઓ ઘરે બેસીને મેળવી શકશે. આ ઉપરાંત મતગણતરીના દિવસે એમને દરેક ક્ષણની અપડેટની સાથે ફાઇનલ રિઝલ્ટ પણ મોબાઇલ પર મળી જશે.
આ તમામ ચીજોનો લાભ પ્રત્યાશી એક મોબાઇલ એથી મેળવી શકશે. જેનું નામ 'સુવિધા' છે. આ એપને ચૂંટણી પંચે ખાસ રીતે ચૂંટણી ઉમેદવારો માટે તૈયાર કરી છે જે એમના સમર્થકો અને કાર્યકર્તાઓ માટે પણ બેસ્ટ છે.
આ એપથી રેલી સ્થળના ઝઘડા પણ ખતમ થઇ જશે. એપમાં સૌથી ખાસ વાત એ છે કે ઑનલાઇન અરજી બાદ કોઇ પણ ચૂંટણી અધિકારી કોઇ ખાસ ઉમેદવારને ફાયદો પહોંચાડી શકે નહીં. એપ ખુદ રેલીના સમયે અને તારીખ ડિસ્પ્લે કરશે અને આ બધુ ફર્સ્ટ કમ ફર્સ્ટ સર્વના આધાર પર રહેશે.
એમાં પ્રત્યાશિઓને નૉમિનેશન ફાઇલ કરવાની સાથે સાથે ઘણા કાર્યો માટે ઑનલાઇન અને ઑફલાઇન વિકલ્પ મળે છે. આ એપ પર તમામ પેપર્સને સ્કેન કર્યા બાદ એની હાર્ડ કૉપી ઇલેક્શન કમિશનની ઓફિસમાં જમા કરાવવું પડશે. ત્યારબાદ ડોક્યૂમેન્ટ્સ ના વેરિફિકેશનની જાણકારી મેલ અથવા મોબાઇલ પર મળી જશે.