લોકસભા ચૂટંણીના છઠ્ઠા ચરણ હેઠળ દિલ્હીમાં 12 મે મતદાન થશે. એવામાં કોંગ્રેસ મહાસચિવ પ્રિયંકા ગાંધીએ ઉત્તર પૂર્વી દિલ્હી ઉમેદવાર શીલા દિક્ષિતના પક્ષમાં એક રોડ શો કર્યો. પ્રિયંકા ગાંધીએ પીએમ નરેન્દ્ર મોદીને ખુલ્લો પડકાર ફેંકતા કહ્યું કે ચૂંટણીના છેલ્લા બે ચરણ નોટબંધી, જીએસટી, અને મહિલા સુરક્ષા પર લડીને જુઓ. ઉલ્લેખનીય છે કે વડાપ્રધાન મોદીએ હાલમાં જ બોફોર્સ અને રાજીવ ગાંધીના નામ પર કોંગ્રેસને ચૂંટણી લડવા કહ્યું હતું.
પ્રિયંકાએ આપ્યો પીએમ મોદીને પડકાર
દિલ્હીમાં શીલા દિક્ષિતના ચૂંટણી પ્રચાર દરમિયાન પ્રિયંકા ગાંધીએ કહ્યું, 'દિલ્હીની એક છોકરી આપને ખુલ્લો પડકાર આપી રહી છે. ચૂંટણીના અંતિમ બે ચરણ નોટબંધી, જીએસટી પર લડો. મહિલાઓની સુરક્ષા પર અને તે જુઠ્ઠા વાયદા ઉપર લડો જે આપે આખા દેશના યુવાનોને કર્યા હતા, વિશ્વાસઘાત કર્યો તેના પર ચૂંટણી લડો.'
મોદી સરકાર પર કર્યો કટાક્ષ
પ્રિયંકાએ કહ્યું કે, 'તેમની સ્થિતિ એ બાળકો જેવી છે જે પોતાનું હોમવર્ક કર્યા વિના સ્કૂલ આવે છે અને જ્યારે ટીચર તેનું કારણ પૂછે છે તો કહે છે, 'શું કરું નહેરુજીએ મારું ફોર્મ લઇ લીધું, છુપાવી દીધું. હું શું કરું ઇંદિરાજીએ મારા હોમવર્કને કાગળની હોડી બનાવી દીધી અને પાણીમાં ડુબાડી દીધી.'
ઉત્તર પૂર્વ દિલ્હીમાં કોંગ્રેસ તરફથી પૂર્વ સીએમ શીલ દિક્ષિત મેદાનમાં છે તો બીજેપી તરફથી વર્તમાન સાંસદ અને દિલ્હીના બીજેપી અધ્યક્ષ મનોજ તિવારી ચૂંટણી લડી રહ્યા છે. જ્યારે આપ પાર્ટી તરફથી દિલીપ પાંડેય ચૂંટણી લડી રહ્યા છે.