લોકસભા ચૂંટણીમાં બે તબક્કાની 186 સીચો પર વોટિંગ બાદ હવે 357 સીટો પર ચૂંટણી બાકી છે. બાકીના જે પાંત તબક્કામાં ચૂંટણી થવાની છે, એમાંથી ભાજપની જીતેલી 221 સીટો દાવ પર છે. એવામાં ભાજપની સામે આ સીટોને યથાવત રાખવાનો મોટો પડકાર છે.
નવી દિલ્હી: મોદી લહેર ચાલી રહેલી બીજેપી 2014ની લોકસભા ચૂંટણીમાં જમ્મુ કાશ્મીરની લદાખથી લઇને દક્ષિણની કન્યાકુમારી સીટ પર કમળ ઊગાડવામાં સફળ રહી હતી. બીજેપીને રેકોર્ડ 282 સીટો મળી. આ વખતે 543 લોકસભા સીટોમાં બે તબક્કાની 186 સીટો પર વોટિંગ બાદ હવે 357 સીટો પર ચૂંટણી યોજાનાર છે. બાકીના પાંચ તબક્કામાં ચૂંટણી થવાની છે, એમાંથી ભાજપની જીતેલી 221 સીટો પર દાવ છે. એવામાં ભાજપની સામે એ સીટોને યથાવત રાખવાનો મોટો પડકાર છે.
જણાવી દઇએ કે લોકસભા ચૂંટણી 2019 માટે અત્યાર સુધી બે તબક્કાનું વોટિંગ થઇ ચુક્યું છે. એમાં પહેલા તબક્કાનું 91 અને બીજા તબક્કામાં 95 સીટો સામેલ હતી. રસપ્રદ વાત એ છે કે પહેલા તબક્કામાં ભાજપની પાસે 32 અને બીજા તબક્કામાં 27 સીટો હતી. આ પ્રકારે ભાજપની જીતેલી 282 સીટોમાંથી 61 પર ચૂંટણી થઇ ચુકી છે અને બાકી બચેલી 221 સીટો અને પાંચ તબક્કામાં વોટ નાંખવામાં આવશે.
ત્રીજા તબક્કામાં પ્રધાનમંત્રી નરેન્દ્ર મોદી અને ભાજપ અધ્યક્ષ અમિત શાહના ગૃહ રાજ્ય ગુજરાતની 26 લોકસભા સીટો પર મતદાન થવાનું છે. 2014માં બીજેપી અહીંયાની સીટો જીતવામાં સફળ રહી હતી, એવામાં એક વખત ચૂંટણીમાં પાર્ટીની સામે આ સીટોને બચાવવા રાખવામાં મોટો પડકાર છે. આ ઉપરાંત કર્ણાટકની 28 સીટોમાંથી 14 સીટો પર વોટિંગ થયું છે બાકી બચેલી 14 સીટો પર 23 એપ્રિલને નોટ નાંખવામાં આવશે.
મધ્યપ્રદેશની 29 સીટો પર છેલ્લા ચાર તબક્કામાં ચૂંટણી થવાની છે. ગત ચૂંટણીમાં ભાજપ 27 સીટોમાં સફળ રહી હતી. તાજેતરમાં થયેલી વિધાનસભા ચૂંટણીમાં ભાજપને માત આપીને કોંગ્રેસ સત્તામાં વાપસી કરી છે.
ઉત્તર પ્રદેશની 80 લોકસભા સીટોમાંથી 16 સીટો પર ચૂંટણી થવાની છે, બાકી બચેલી 64 સીટો પર આગામીં પાંચ તબક્કામાં વોટિંગ થશે. 2014માં ભાજપ આ 64 સીટોમાંથી 57 સીટો જીતવામાં સફળ રહી હતી. આ વખતની ચૂંટણીમાં સપા બસપા ગઠબંધન કરીને મેદાનમાં ઊતરી છે, ત્યારબાદ ભાજપને પોતાની સીટો બચાવી રાખવાનો મોટો પડકાર છે. તો બીજી બાજુ ઝારખંડની 14 લોકસભા સીટો પર છેલ્લા ચાર તબક્કાની ચૂંટણી યોજાનાર છે.
બિહારની 40 લોકસભા સીટોમાંથી 9 સીટો પર વોટિંગ બાદ હવે બચેલી 31 સીટો પર આગામી પાંચ તબક્કામાં ચૂંટણી થવાની છે. આ ઉપરાંત દિલ્હીની સાત અને હરિયાણાની 11 સીટો પર છઠ્ઠા તબક્કાનું વોટિંગ થવાનું છે. હિમાચલ પ્રદેશની તમામ ચાર સીટો પર છેલ્લા તબક્કામાં વોટ નાંખવામાં આવશે અને 2014માં ભાજપ આ તમામ સીટો પર જીત દાખળ કરી હતી.
ઉલ્લેખનીય છે કે ભાજપને ફરીથી સત્તામાં આવવા માટે બાકી પાંચ તબક્કાની ચૂંટણી ખૂબ મહત્વની માનવામાં આવી રહી છે. 2014ની લોકસભા ચૂંટણીમાં ભાજપે 282 સીટો જીતી હતી, જે 2009ની ચૂંટણીની સરખામણીમાં 166 સીટોનો ફાયદો થયો હતો.