વાંચવા માંડો! / BIG NEWS:...તો આ તારીખે લેવાઈ શકે છે લોકરક્ષક ભરતીની લેખિત પરીક્ષા, અધ્યક્ષે આપ્યા મોટા સંકેત

• લોકરક્ષક ભરતીને લઇ મહત્વના સમાચાર
• શારીરિક કસોટી સમય પત્રક મુજબ પૂર્ણ થાય તો માર્ચમાં લેખિત પરીક્ષા
• 13, 20 અથવા 27 માર્ચના લેવાઇ શકે છે લેખિત પરીક્ષા
• લોકરક્ષક ભરતી બોર્ડના અધ્યક્ષ હસમુખ પટેલે આપી જાણકારી

લોકરક્ષક દળની લેખિત પરીક્ષાને લઈને છેલ્લા કેટલાક સમયગાળાથી રાહ જોવાઈ રહી છે, ત્યારે આજે લોકરક્ષક ભરતી બોર્ડના અધ્યક્ષ હસમુખ પટેલે ટ્વીટ કરીને મહત્વની જાણકારી આપી હતી. 

હસમુખ પટેલે ટ્વીટ કરીને જુઓ શું કહ્યું 

હસમુખ પટેલે ટ્વીટ કરીને જણાવ્યું હતું કે, જો શારીરિક કસોટી સમય પત્રક મુજબ પૂર્ણ થાય તો 13, 20 અથવા 27 માર્ચના લોકરક્ષક ભરતીની લેખિત પરીક્ષા લેવાનું આયોજન છે. આ દિવસોમાં GPSC તથા ગૌણ સેવાની પરીક્ષા ના હોય તેવી તારીખ પસંદ કરવામાં આવશે. તે વખતની કોરોનાની સ્થિતિ પણ ધ્યાનમાં લેવામાં આવશે.

જો શારીરિક કસોટી સમય પત્રક મુજબ પૂર્ણ થાય તો 13, 20 અથવા 27 માર્ચના લોકરક્ષક ભરતીની લેખિત પરીક્ષા લેવાનું આયોજન છે.
આ દિવસોમાં GPSC તથા ગૌણ સેવાની પરીક્ષા ના હોય તેવી તારીખ પસંદ કરવામાં આવશે. તે વખતની કોરોનાની સ્થિતિ પણ ધ્યાનમાં લેવામાં આવશે.#LRDS#LRDP

— Hasmukh Patel (@Hasmukhpatelips) January 12, 2022

ભરતી પારદર્શિતાથી થશે

પોલીસ ભરતી બોર્ડના ચેરમેન હસમુખ પટેલે,નોકરીમાં લાગવગથી અને નાણાંના જોરે નોકરી અપાવવાની લાલચ આપતા તત્વોથી સાવધ રહેવા અપીલ કરી છે. પોલીસ ભરતી માટે જો કોઈ નોકરીની અપાવવાની મધલાળ આપે અને બદલામાં નાણાની માગણી કરે તો આવા લોકોની વાતનું રેકોડિંગઆપવા પણ જણાવ્યું છે.