ચૂંટણી / હવે ઝારખંડમાં વધી BJPની મુશ્કેલી, આ સહયોગી પાર્ટીએ કહ્યું, અમે ઝારખંડમાં એકલા જ લડીશું

• મહારાષ્ટ્રની જેમ ઝારખંડમાં પણ બીજેપી માટે વધી મુશ્કેલીઓ
• એલજેપીના અધ્યક્ષ ચિરાગ પાસવાને આગામી ચૂંટણીમાં એકલા લડવાનું કર્યું એલાન
• એલજેપી પાર્ટી 50 બેઠકો પર બીજેપીથી અલગ ચૂંટણી લડશે

ચિરાગ પાસવાને તેને લઇને એક ટ્વિટ કર્યું. આ ટ્વિટમાં તેમણે કહ્યું કે ઝારખંડમાં ચૂંટણી લડવાનો અંતિમ નિર્ણય પ્રદેશ એકમે લેવાનો હતો. લોક જનશક્તિ પાર્ટી ઝારખંડ પ્રદેશ એકમે નિર્ણય લીધો છે કે, પાર્ટી 50 બેઠકો પર એકલા ચૂંટણી લડશે. આજે સાંજ સુધીમાં પાર્ટીના ઉમેદવારોની પહેલી લિસ્ટનું એલાન થઇ જશે. 

झारखंड में चुनाव लड़ने का आख़िरी फ़ैसला प्रदेश इकाई को लेना था।लोक जनशक्ति पार्टी झारखंड प्रदेश इकाई ने यह फ़ैसला लिया है पार्टी 50 सीटों पर अकेले चुनाव लड़ेगी।आज शाम तक पार्टी के उमीदवारों की पहली सूची का एलान हो जाएगा।

— Chirag Paswan (@ichiragpaswan) November 12, 2019

ઝારખંડમાં બીજેપી અને તેમની સહયોગી પાર્ટીઓમાં આગામી વિધાનસભા ચૂંટણીમાં બેઠકોની વહેંચણીને લઇને ખેંચતાણ દેખાઇ રહી છે. આ જ કારણ છે કે ઓલ ઝારખંડ સ્ટુડેન્ટ્સ યૂનિયને એ ચાર બેઠકો પર પણ ઉમેદવાર ઉતારવાની જાહેરાત કરી છે કે જેના પર ભાજપે પોતાના ઉમેદવારોની જાહેરાત કરી છે. જ્યારે લોક જનશક્તિ પાર્ટીએ આગામી ચૂંટણીમાં એકલા જ લડવાની વાત કહી છે. નોંધનીય છે કે બીજેપીએ પોતાના સહયોગી પાર્ટીઓની સાથે ચાલી રહેલી અનબન વચ્ચે પોતાના ઉમેદવારોની બીજી સૂચી હાલ પૂરતી ટાળી દીધી છે. 

આ પહેલા ઓલ ઝારખંડ સ્ટૂડેન્ટ્સ યૂનિયને 12 બેઠકો પર ઉમેદવારોના નામની જાહેરાત કરી હતી. જ્યારે બીજેપીએ ચાર બેઠકો પર પોતાના ઉમેદવારોની જાહેરાત કરી હતી. આ ચારેય બેઠકો સિમરિયા, માંડુ, સિંદરી અને ચક્રધરપુર છે. ખાસ વાત એ છે કે ચક્રધરપુરથી બીજેપીએ રાજ્ય પાર્ટીના અધ્યક્ષ લક્ષ્મણ ગિલુઆના નામની જાહેરાત કરી હતી પરંતુ બાદમાં ઓલ ઝારખંડ સ્ટૂડન્ટ્સ યૂનિયને ચક્રધરપુરથી પોતાના ઉમેદવાર મેદાનમાં ઉતાર્યા હતા.