શું તમે જાણો છો કે, એવી પણ લોકસભા બેઠક છે જે ભારતની સૌથી જુની રાજનીતિક પાર્ટી કોંગ્રેસ 1951ની પ્રથમ લોકલ ચૂંટણીથી લઇને 2014ની 16મી લોકલ ચૂંટણી સુધી એકવાર પણ જીતી શકી નથી. આ લોકસભા બેઠક દક્ષિણ ભારતના કેરળ સૂબેમાં આવી છે.
મધ્ય યુગમાં મસાલાનાં વેપાર માટે જાણીતો વિસ્તાર
ઉલ્લેખનીય છે કે, આ લોકસભા બેઠક કેરળ રાજ્યની પૌન્નાની સીટ છે. જ્યાં અત્યાર સુધી કોંગ્રેસ એક પણ વખત ચૂંટણી જીતી શકી નથી. એક સમય હતો જ્યારે આ ક્ષેત્ર મસાલાનાં વેપાર માટે ખુબ જ મશહુર હતું. અહીંથી સમગ્ર વિશ્વમાં મસાલાની નિકાસ કરવામા આવતી હતી. આ મધ્યયુગની વાત છે.
મધ્ય યુગમાં પોન્નાની,આરબ વેપારીઓ માટે વેપારનું અગ્રણી કેન્દ્ર હતું. પોર્ટુગીઝોએ આ વેપાર કેન્દ્ર પર કબ્જો જમાવાવ માટે અનેક વખત અક્રમણ કર્યુ હતું. હવે આ વિસ્તાર માછીમારીનાં વિસ્તાર માટે પ્રસિદ્ધ છે. પોન્નાની નહેર,કેરળનાં આ શહેરને બે ભાગમાં વહેંચે છે.
1952થી લઇને 2014 આ સીટ પર આ પાર્ટીઓનો રહ્યો દબદબો
આપને જણાવી દઇએ કે, 1952માં દેશમાં પહેલી સામાન્ય ચૂંટણી યોજાઇ હતી. ત્યારે આ બેઠક પર કિસાન મજદૂર પાર્ટી વિજેતા બની હતી. ત્યારબાદ સતત ત્રણ વખત ડાબેરીઓએ ચૂંટણીમાં આ બેઠક જીતી હતી.
આ સાથે જ 1962, 1967, અને 1972માં આ બેઠક પર CPI અને CPMનું વર્ચસ્વ રહ્યું હતું. ત્યારબાદ 11 વખત આ બેઠક પર ઇન્ડિયન યુનિયન મુસ્લિમ લીગ ચૂંટણી જીતતી આવી છે. 1977માં સામાન્ય ચૂંટણીથી લઇને 2014 સુધી પોન્નાની બેઠક પર ઇન્ડિયન યૂનિયન મુસ્લિમ લીગ આ બેઠક પર અડિંગો જમાવીને બેઠી છે.