Wednesday, June 26, 2019
સબસ્ક્રાઈબ કરો VTVGujarati ન્યુઝ Whatsapp

અસર / ચૂંટણી પૂરી થતાંની સાથે જ પેટ્રોલ-ડીઝલના ભાવમાં વધારો

ચૂંટણી પૂરી થતાંની સાથે જ પેટ્રોલ-ડીઝલના ભાવમાં વધારો

આજે ચૂંટણી બાદ પેટ્રોલ અને ડીઝલના ભાવમાં વધારો કરવામાં આવ્યો છે. આંતરરાષ્ટ્રીય ક્રૂડ બજારમાં ક્રૂૂડના ભાવમાં ઉછાળાને પગલે તેની અસર ભારતીય ઓઇલ માર્કેટમાં પણ જોવા મળી છેે. આજે ભારતની સૌથી મોટી ઓઇલ કંપની ઇન્ડિયન ઓઇલ કોર્પોરેશન (આઇઓસી)એ પેટ્રોલ અનેે ડીઝલના ભાવમાં વધારો કર્યો છે.

પેટ્રોલના ભાવમાં પ્રતિ લીટર આઠથી દસ પૈસાનો અને ડીઝલના ભાવમાં પ્રતિ લિટર ૧પથી ૧૬ પૈસાનો વધારો થયો છે. નવી દિલ્હીમાં પેટ્રોલ ૯ પૈસા વધીને પ્રતિ લિટર તેનો ભાવ રૂ.૭૧.૭ર પર પહોંચી ગયો છે. જ્યારે મુંબઇમાં પણ પેટ્રોલના ભાવમાં ૯ પૈસાના વધારા બાદ તેની પ્રતિ લિટર કિંમત રૂ.૭૬.૭૩ પર પહોંચી ગઇ છે.

કોલકાતામાં ૮ પૈસાના વધારા સાથે પેટ્રોલના ભાવ પ્રતિ લિટર રૂ.૭૩.૧૯ પર પહોંચી ગયા છે. ચેન્નઇમાં પેટ્રોલમાં ૧૦ પૈસાનો વધારો કરાયો છે અને તેને લઇને ભાવ પ્રતિ લિટર રૂ.૭૩.૮રની સપાટીએ પહોંચી ગયા છે. પાટનગર નવી દિલ્હીમાં ડીઝલનો ભાવ પ્રતિ લિટર રૂ.૬૬.૧૧ પર પહોંચી ગયો છે.

મુંબઇમાં ડીઝલ પ્રતિ લિટર રૂ.૬૯.ર૭માં વેચાઇ રહ્યું છે. કોલકાતામાં ડીઝલનો ભાવ પ્રતિ લિટર રૂ.૬૭.૮૬ છે. જ્યારે ચેન્નઇમાં ડીઝલની કિંમત પ્રતિ લિટર રૂ.૬૯.૮૮ પર પહોંચી ગઇ છે. આંતરરાષ્ટ્રીય બજારમાં ક્રૂડ તેલના ભાવમાં આજે તેજી જોવા મળી હતી. આજે સવારે ક્રૂડ ઓઇલના આંતરરાષ્ટ્રીય ભાવમાં વધારો નોંધાયો હતો.

બ્રેન્ટ ક્રૂડ ઓઇલમાં ૧ે.૪૮ ટકાના ઉછાળા સાથે પ્રતિ બેરલ ક્રૂડની કિંમત ૭૩.ર૮ ડોલર પર પહોંચી ગઇ હતી. જ્યારે ડબલ્યુટીઆઇ ક્રૂડ ૧.૪૩ ટકાના ઉછાળા સાથે પ્રતિ બેરલ ૬૩.૮ર ડોલર પર ટ્રેડ કરી રહ્યું છે. 

Petrol Diesel Price Rising Business News

જોવા જેવું વધુ જુઓ

બ્રેકિંગ ન્યૂઝ