ચૂંટણી / જાણો ક્યાં રોકાણ કરે છે દેશના દિગ્ગજ નેતાઓ, આ કંપનીઓ છે મનપસંદ

દરેક સામાન્ય જનતાને જાણવાની રસ હોય છે કે તેમના નેતા રોકાણ ક્યાં કરે છે કે, આ જાણકારીનો ખ્યાલ તેમણે 2019ની ચૂંટણી માટે દાખલ કરેલા ઉમેદવારીપત્રક પરથી જ આવી જાય છે. આ નેતાઓના રોકાણ પોર્ટફોલિયોમાં ફિક્સ્ડ ડિપોઝિટ અને ટેક્સ ફ્રી બોન્ડ્સ ઉપરાંત મ્ચુચ્યુઅલ ફંડ અને શૅર્સનો પણ સમાવેશ થાય છે. કેટલાક નેતાઓ પાસે તો બંધ થઇ ચૂકેલી એરલાઇન્સ કિંગફિશરના પણ શૅર છે. 

મોટાભાગના નેતાઓ પાસે મુકેશ અંબાણીના નેતૃત્વવાળી કંપની રિલાયન્સ ઇન્ડસ્ટ્રીઝ લિમિટેડના શૅર્સ છે. જ્યારે કેટલાક પાસે તેમના નાના ભાઇ અનિલ અંબાણીના નેતૃત્વની રિલાયન્સ ગ્રુપના પણ શૅર્સ છે. 

નરેન્દ્ર મોદી:

દેશના સૌથી દિગ્ગજ નેતાઓની વાત કરવામાં આવે તો પ્રધાનમંત્રી નરેન્દ્ર મોદીએ શૅર બજાર અથવા તો મ્યુચ્યુઅલ ફંડમાં કોઈ જ રોકાણ નથી કર્યું. તેમનું રોકાણ માત્ર બેંકોમાં 1.25 કરોડ જમા, ટેક્સ ફ્રી બોન્ડ 20,000 રૂપિયા, ઈન્શ્યોરન્સ પોલિસીમાં 1.90 લાખ અને નેશનલ સેવિંગ્સ સર્ટિફિકેટમાં 7.61 લાખ રૂપિયાનું રોકાણ કર્યુ છે. 

રાહુલ ગાંધી અને સોનિયા ગાંધી: 

કોંગ્રેસ અધ્યક્ષ રાહુલ ગાંધીની વાત કરવામાં આવે તો તેની પાસે યંગ ઇન્ડિયન સિવાય ઘણા મ્યુચ્યુઅલ ફંડ કંપનીઓને શૅર્સ છે. રાહુલ ગાંધી સિવાય પૂર્વ અધ્યક્ષ સોનિયા ગાંધીના રોકાણના પોર્ટફોલિયોમાં યંગ ઇન્ડિયન અને મારૂતિ ટેક્નિકલ સર્વિસ પ્રા.લિના શૅર શામેલ છે. એટલુ જ નહી, સોનિયા ગાંધી HDFC, કોટક મહિન્દ્રા, મોતીલાલ ઓસવાલ અને રિલાયન્સ મ્યુચ્યુઅલ ફંડની યૂનિટમાં પણ રોકાણ છે. 

અમિત શાહ:

ભાજપ અધ્યક્ષ અમિત શાહે જે કંપનીના શૅર ખરીદી રાખ્યા છે તેમાં RIL, ટીસીએસ, બજાજ ઑટો, કોલગેટ-પામોલિન, ગ્રાસિમ, એચયુએલ,એલએન્ડટી ફાઇનાન્સ  તથા અલ્ટ્રાટેક સિમેન્ટ જેવી કંપનીઓના છે. 

અખિલેશ યાદવ:

સપા પ્રમુખ અલિલેશ યાદવના ઉમેદવારી પત્ર  અનુસાર, તેમણે લાઇફ ઇન્શ્યોરન્સ, મ્યુચૂઅલ ફંડ વેગેરમાં 7.90 કરોડ રૂપિયાનો રોકાણ કર્યુ છે. અખિલેશ યાદવના વિભિન્ન બેંકોમાં 89.12 લાખ રૂપિયા જમા છે. 

સુપ્રિયા સુલે:

 

દિગ્ગજ નેતા શરદ પવારની દીકરી એનસીપીની સુપ્રિયા સુલેએ નોન લિસ્ટેડ કંપનીઓના 1 કરોડ રૂપિયાના શૅર્સ ખરીદી રાખ્યા છે. જ્યારે તેની પાસે લિસ્ટેડ કંપનીના 6 કરોડ રૂપિયાના શૅર છે. તેમણે મ્યુચ્યુઅલ ફંડમાં પણ કેટલુક રોકાણ કરીને રાખ્યુ છે. 

નિતિન ગડકરી:

 

કેન્દ્રિય મંત્રી અને નાગપુરથી બીજેપીના ઉમેદવાર નિતિન ગડકરીએ પૂર્તિ પાવર એન્ડ શુગર લિમિટેડના શૅર્સ ખરીદીને રાખ્યા છે. આ ઉપરાંત તેમણે અન્ય રોકાણ પણ કર્યુ છે. 

પૂનમ મહાજન:

 

મુંબઈ નોર્થ સેન્ટ્રલથી બીજેપી ઉમેદવાર પૂનમ મહાજન પાસે રિલાયન્સ ઇન્ડસ્ટ્રીઝ, ટીસીએસ, વોડાફોન આઇડિયા સેલ્યૂલર અને રિલાયન્સ પાવર ઉપરાંત બંધ થઇ ચૂકેલી કંપની કિંગફિશર એરલાઇન્સના પણ શૅર્સ છે.

પ્રિયા દત્ત:

 કોગ્રેસની ઉમેદવાર પ્રિયા દત્તે ઘણા મ્યુચ્યુઅલ ફંડ અને પોર્ટફોલિયા સ્કીમ્સમાં કુલ 14.92 કરોડ રૂપિયાનું રોકાણ કર્યુ છે.

 ઉર્મિલા માતોંડકર:

 

બોલિવૂડમાંથી રાજનીતિની દુનિયામાં આવેલી ઉર્મિલા માતોંડકર મુંબઇ નોર્થથી કોંગ્રેસની ઉમેદવાર છે અને તેણે શેર્સ, બોન્ડ્સ અને મ્યુચ્યુઅલ ફંડમાં 28.28 કરોડ રુપિયા જ્યારે પોર્ટફોલિયો મેનેજમેન્ટ સર્વિસમાં આશરે 6 કરોડ રૂપિયાનું રોકાણ કર્યુ છે. 

જયા પ્રદા:

 

ઉત્તર પ્રદેશના રામપુરથી બીજેપીની ઉમેદવાર જયા પ્રદાએ એનર્જી ડેવલપમેન્ટ કંપની લિમિટેડ (પ્રમોટર અમરસિંહ), કોલ ઈન્ડિયા, એચડીએફસી, આઇટીસ, એમસીએક્સ અને રિલાયન્સ ઇન્ડસ્ટ્રીઝના રોકાણ કર્યુ છે.

રાજ બબ્બર:

 

ફતેહપુર સિકરીથી કોંગ્રેસના ઉમેદવાર રાજ બબ્બરે આઈએલએન્ડએફએસ ટ્રાન્સપોર્ટેશન નેટવર્ક્સ લિમિટેડમાં રોકાણનો ખુલાસો કર્યો છે.