ચૂંટણી / સોનિયા ગાંધીના રોડ શો માં લહેરાવવામાં આવ્યા 2 રંગના 'ઝંડા', આ પણ કારણ

લોકસભા ચૂંટણી 2019માં એક બાજુ મતદાનની પ્રક્રિયા ચાલી રહી છે તો બીજી બાજુ સીટો પર ચૂંટણી પ્રક્રિયા ચાલુ છે. આ કડીમાં ગુરુવાર યૂપીએ ચેરપર્સન સોનિયા ગાંધી પોતાના પારંપારિક લોકસભા સીટ રાયબરેલીમાં નામાંકન દાખલ કરવા પહોંચ્યા હતા. યૂપીએ ચેરપર્સન સોનિયા ગાંધીના રોડ શો માં ભારે ભીડ ઊમટી હતી. આ રોડ શો માં પાર્ટીના ઝંડા ઉપરાંક બે બીજા રંગના ઝંડા લહેરાવવામાં આવ્યા. એક ગ્રીન કલરનો અને બીજો કાળા રંગનો. ગ્રીન કલરનો ન્યાય સ્કીમ માટે અને કાળા રંગનો રાફેલની વિરુદ્ધ લહેરાવવામાં આવ્યો છે. 
કોંગ્રેસે પોતાનુ ગુમાવેલું રાજકારણ પાછું મેળવવા અને ભાજપને માત આપીને સત્તામાં વાપસી કરવા માટે ન્યૂનતમ આવક યોજનાને મનરેગાના તર્જ પર લાગૂ કરવાની જાહેરાત કરી છે. આ યોજના હેઠળ દેશના આશરે 5 કરોડ ગરીબ પરિવારોને વર્ષના 72 હજાર રૂપિયા આપવાનો વાયદો છે.  જણાવી દઇએ કે રાફેલ ડીલ પર કેન્દ્રની નરેન્દ્ર મોદી સરકાર વિરક્ષી દળોના નિશાના પર છે. કોંગ્રેસ અધ્યક્ષ રાહુલ ગાંધી સાર્વજનિક મંચોથી પીએમ મોદી પર રાફેલ ડીલને લઇને નિશાનો સાધતા રહે છે. બુધવારે રાફેલ મામલે સુપ્રીમ કોર્ટથી કેન્દ્ર સરકારને મોટો ઝટકો લાગ્યો છે. સુપ્રીમ કોર્ટ રાફેલ મામલા પર ફરીથી સુનાવણી માટે તૈયાર થઇ ગયું છે.