નિરાશાજનક પ્રદર્શન બાદ ઝારખંડ કોંગ્રેસના પ્રદેશ અધ્યક્ષ અજય કુમાર, અસમ કોંગ્રેસના પ્રદેશ અધ્યક્ષ રિપુન બોરાએ કોંગ્રેસ અધ્યક્ષ રાહુલ ગાંધીને પોતાનું રાજીનામું મોકલી દીધું છે.
કોંગ્રેસને લોકસભા ચૂંટણીમાં મળેલી ભૂંડી હાર બાદ હવે પાર્ટીમાં રાજીનામાનો સિલસિલો શરૂ થયો છે. અશોક ચ્વહાણ, રાજ બબ્બર અને કમલનાથ બાદ હવે બીજા બે વધુ રાજીનામાની રજૂઆત થઈ છે. નિરાશાજનક પ્રદર્શન બાદ હવે ઝારખંડ અને અસમના કોંગ્રેસ પ્રદેશ અધ્યક્ષે પાર્ટી અધ્યક્ષ રાહુલ ગાંધીને પોતાનું રાજીનામુ ધર્યુ છે.
ઝારખંડ કોંગ્રેસ પ્રદેશ અધ્યક્ષ અજયકુમાર અને અસમ કોંગ્રેસના પ્રદેશ અધ્યક્ષ રિપુન વોરાએ રાહુલ ગાંધીને પોતાનું રાજીનામુ મોકલી આપ્યું છે. રાહુલ ગાંધી ખુદ પણ કોંગ્રેસ પાર્ટીના અધ્યક્ષ પદેથી રાજીનામુ આપવાની વાત પણ કરી ચૂ્કયા છે.
2014ની જેમ જ 2019માં કોંગ્રેસ ડબલ ડિજીટમાં સમેટાઇ ગઇ. પહેલા 44 અને 52. ત્યારબાદ જ પાર્ટીનો હડકંપ મચ્યો છે. અસમની કુલ 14 લોકસભા સીટોમાં કોંગ્રેસે માત્ર 1 પર જ જીત મેળવી છે અને ભાજપે 11 સીટ મેળવી છે.
આ કારણ છે કે બંને રાજ્યોના પ્રદેશ અધ્યક્ષોએ પોતાનું રાજીનામું રાહુલ ગાંધીને મોકલ્યું છે. બંનેએ લોકસભા ચૂંટણીમાં ખરાબ પ્રદર્શનની જવાબદકારી લેતા આ રાજીનામું સોંપ્યું છે. માત્ર પ્રદેશ અધ્યક્ષ જ નહીં, પરંતુ રાહુલ ગાંધી પોતે કોંગ્રેસ વર્કિંગ કમિટિની બેઠકમાં રાજીનામું રજૂ કરી ચુક્યા છે.
લોકસભા ચૂંટણીમાં ખરાબ પ્રદર્શનના કારણે અગાઉ મહારાષ્ટ્ર કોંગ્રેસના અધ્યક્ષ અશોક ચ્વહાણ, મધ્યપ્રદેશ કોંગ્રેસ અધ્યક્ષ કમલનાથ, ઉત્તરપ્રદેશ કોંગ્રેસ અધ્યક્ષ રાજ બબ્બરે પણ પોતાના રાજીનામાની રજૂઆત કરી હતી. આ તમામ રાજ્યોમાં કોંગ્રેસને માત્ર એક એક સીટ મળી છે