લોકસભા ચૂંટણી / ચોથા તબક્કાના મતદાનનો પ્રારંભ, દિગ્ગજ નેતાઓએ કર્યું મતદાન

જમ્મૂ-કાશ્મીરની અનંતનાગ બેઠક પર પણ મતદાન યોજાઇ રહ્યું છે. અનંતનાગ બેઠક પર ત્રણ તબક્કામાં મતદાન કરવામાં આવી રહ્યું છે. ભાજપ તેમજ સહયોગી પાર્ટીઓ માટે આ તબક્કાનું મતદાન ઘણું મહત્વનું માનવામાં આવી રહ્યું છે. ઉલ્લેખનીય છે કે 2014ની લોકસભા ચૂંટણીમાં આ 72 બેઠકમાંથી એનડીએની 56 બેઠક પર જીત થઇ હતી. જ્યારે બાકી રહેલી 16 બેઠકમાંથી કોંગ્રેસની બે બેઠક પર જીત થઇ હતી. જ્યારે બાકી બેઠકોમાં તૃણમુલ કોંગ્રેસની છ, બેજેડી છ જેવી અન્ય વિપક્ષ પાર્ટીઓની જીત થઇ હતી. વડાપ્રધાન નરેન્દ્ર મોદીએ યુવા મતદાતાઓને મતદાન કરવા અપીલ કરી છે. 
 

કેન્દ્રીય પ્રધાન ગિરિરાજસિંહે મતદાન કરી મતદારોને મતદાન કરવા અપીલ કરી છે. ઉત્તર પ્રદેશના ગોરખપુરતી ભાજપના ઉમેદવારે અને અભિનેતા રવિ કિશને મતદાન કર્યું છે. જ્યારે બોલિવુડ અભિનેત્રી રેખાએ મુંબઇના બાંદ્રા વિસ્તારમાં મતદાન કર્યું.  આજના મતદાનની હાઇપ્રોફાઇલ બેઠકોની વાત કરવામાં આવે તો, કનૌજ બેઠક પરથી ડિમ્પલ યાદવ, ઉન્નાવથી સાક્ષી મહારાજ, ફર્રુખાબાદથી સલમાન ખુર્શીદ, કાનપુરથી શ્રીપ્રકાશ જયસ્વાલ, જોધપુરથી વૈભવ ગેહલોત અને તેની સામે ગજેન્દ્રસિંહ શેખાવત મેદાને છે. 

તો આ તબક્કાની સૌથી વધુ ચર્ચિત એવી બેગુસરાય બેઠક પરથી કનૈયા કુમાર અને ગિરિરાજસિંહ વચ્ચે મુકાબલો છે. તો છિંદવાડાથી નકુલ નાથ, કેન્દ્રપાડાથી બેજયંત પાંડા, મુંબઈ ઉત્તરથી ઉર્મિલા માર્તોંડકર અને તેની સામે ગોપાલ શેટ્ટી વચ્ચે જંગ છે. 

તો મુંબઇ ઉત્તર-પશ્ચિમ પરથી સંજય નિરૂપમ, મુંબઇ ઉત્તર-પૂર્વ પર મનોજ કોટક ચૂંટણી લડી રહ્યા છે. આ ઉપરાંત મુંબઇ ઉત્તર-મધ્ય બેઠક પર પ્રિયા દત્ત અને પુનમ મહાજન વચ્ચે જંગે છે. તો મુંબઇ દક્ષિણ બેઠક પરથી કોંગ્રેસે બહુચર્ચિત મિલિન્દ દેઓરાને મેદાને ઉતાર્યા છે.

ચોથા તબક્કાના દિગ્ગજો

બેઠક        ઉમેદવાર
કનૌજ - ડિમ્પલ યાદવ
ઉન્નાવ - સાક્ષી મહારાજ 
ફર્રુખાબાદ - સલમાન ખુર્શીદ
કાનપુર - શ્રીપ્રકાશ જયસ્વાલ
જોધપુર - વૈભવ ગેહલોત
જોધપુર - ગજેન્દ્રસિંહ શેખાવત
બેગુસરાય - કનૈયા કુમાર
બેગુસરાય - ગિરિરાજસિંહ 
છિંદવાડા - નકુલ નાથ
કેન્દ્રપાડા - બેજયંત પાંડા
મુંબઈ ઉત્તર - ઉર્મિલા માર્તોંડકર
મુંબઈ ઉત્તર - ગોપાલ શેટ્ટી
મુંબઇ ઉત્તર-પશ્ચિમ - સંજય નિરૂપમ 
મુંબઇ ઉત્તર-પૂર્વ - મનોજ કોટક
મુંબઇ ઉત્તર-મધ્ય - પ્રિયા દત્ત 
મુંબઇ ઉત્તર-મધ્ય - પુનમ મહાજન
મુંબઇ દક્ષિણ - મિલિન્દ દેઓરા