નિવેદન / મેનકા ગાંધીનું વિવાદિત નિવદેન, 'જ્યાંથી વધુ વોટ મળશે ત્યાં વધારે કામ થશે'

સુલ્તાનપુરમાં કેન્દ્રીય મંત્રી તથા ભાજપના ઉમેદવાર મેનકા ગાંધીએ રવિવારને મતદાતાઓને ચેતવણી આપી હતી. ઇસૌલી વિધાનસભા ક્ષેત્રમાં રસૂલપુરમાં કાર્યકર્તા સંમેલનને સંબોધિત કરતા કહ્યુ કે, ''જ્યાંથી વધુ વોટ મળશે ત્યાં વધુ કામ થશે.''

મેનકા ગાંધીએ કહ્યુ કે, કાર્ય કરવા માટે મેં એક માપદંડ બનાવ્યટો છે. જેમાં ચાર શ્રેણી A, B, C, D બનાવી છે. 80% થી વધારે વોટ મળશે તે Aમાં આવશે, આજ રીતે 60%થી વધારે વોટ Bમાં, 50% વધારે વોટ C, જ્યારે 50% ઓછા વોટ D શ્રેણીમાં આવશે. 
 

A શ્રેણીવાળાનુ પહેલા કાર્ય થશે. જે પછી B, C તથા D શ્રેણીવાળાના કાર્ય કરવામાં આવશે. ચૂંટણી પછી આ આધાર પર વિકાસ કરવામાં આવશે, જેમાં કાર્યકર્તાઓ મહેનત કરશે. આ સાથે જ પોતાનો મોબાઇલ નંબર આપવાનું કહ્યુ. મેનકા ગાંધીએ કહ્યુ કે, આ રીતે લોકો મારી સાથે સીધી રીતે વાત કરી શકશે. તમને જણાવી દઇએ કે, 3 દિવસ પહેલા મેનકા ગાંધીનો વિવાદિત નિવેદનવાળો એક વીડિયો સોશ્યલ મીડિયા પર ખૂબ જ વાયરલ થયો હતો. 

વાસ્વતમાં મેનકા ગાંધીએ સુલતાનપુર (ઉત્તરપ્રદેશ)ના તુરબ ખાની ગામમાં એક ચૂંટણી રેલીને સંબોધી હતી. તેઓએ કહ્યું કે, ''જો મુસ્લિમ મને વોટ નહીં આપે તો હું તેમને નોકરી નહીં આપી શકું. મને તે જરાય પસંદ નહીં પડે હું મુસ્લિમોના સહયોગ વગર આ ચૂંટણી જીતી જઉ.'' કોંગ્રેસે આ નિવેદનને અપમાનજનક ગણાવ્યું છે.
 
મેનકા ગાંધીએ કહ્યું કે, "આવું થવાથી મારી ભાવનાઓને ઠેસ પહોંચે છે. જો બાદમાં મુસ્લિમ મારી પાસે આવી કામ માગશે તો આ અંગે હું વિચારીશ. આનાથી શું ફર્ક પડે છે? બધું મળીને આ નોકરી એક પ્રકારની ડીલ છે."

ગાંધીએ સ્પષ્ટ કર્યુ કે, ''જો મુસ્લિમ તેમને વોટ નહીં આપે તો તેને નોકરીની આશા ન રાખવી જોઈએ. આપણો આ સંબંધ અંદરોદરની સમજણ પર આધારીત છે.''

મેનકાએ કહ્યું કે, "અમે મહાત્મા ગાંધીના બાળકો નથી. એવું નહીં થાય કે તમારા સહયોગ વગર હું તમને સતત સહયોગ આપતી રહું. હું કોઈ જ ભેદભાવ નથી રાખતી. હું માત્ર દુઃખ, દર્દ અને પ્રેમ જોઉ છું. હવે આ બધું તમારા પર છે."
 

કેન્દ્રીય મંત્રીએ કહ્યું કે, "હું પહેલાં જ ચૂંટણી જીતી ચૂકી છું. પણ તમને મારી જરૂર પડશે. આવામાં તમારી પાસે તક છે ઈંટ રાખવાની. જ્યારે ચૂંટણી થશે ત્યારે આ બૂથ પરથી 100 વોટ મળશે કે 50? જે બાદ તમે મારી પાસે રોજગાર માટે આવશો ત્યારે હું જોઈશ... ?"

મેનકાએ કહ્યું, "તમે પીલીભીતમાં કોઈને પણ પૂછી શકો છો કે મેં કઈ રીતે કામ કર્યું છે. જો બાદમાં પણ તમને લાગે છે કે મેં પર્યાપ્ત કામ નથી કર્યો તો તમારે નક્કી કરવાનું છે કે મને વોટ આપવો કે નહીં?"