લોકસભા ચૂંટણીનાં પ્રથમ ચરણમાં આજ (11 એપ્રિલ)નાં રોજ મતદાન શરૂ થઇ ચૂકેલ છે. એવામાં ઉત્તર પ્રદેશનાં કૈરાના લોકસભા સીટનાં રસૂલપુરની પાસે એક પોલિંગ બૂથ પર ફાયરિંગ કરાયું હોવાનાં સમાચાર સામે આવ્યાં છે.
એવું જણાવવામાં આવી રહ્યું છે કે અહીં ખોટાં મતદાનને લઇને ગ્રામ્યજનો અને સુરક્ષાકર્મીઓ વચ્ચે માથાકૂટ થઇ ગઇ છે. એવામાં આ ભીડને વેરવિખેર કરવા માટે સુરક્ષાકર્મીઓએ લાઠીચાર્જ અને હવામાં ફાયરિંગ પણ કર્યુ છે. મામલો કાંધાલા થાણા ક્ષેત્રનાં રસૂલપુર ગુજરાન ગામનો જણાવવામાં આવી રહેલ છે. ઘટના દરમ્યાનનો એક વીડિયો પણ સોશિયલ મીડિયા પર વાયરલ થઇ રહેલ છે. જો કે હાલમાં થોડાંક સમય માટે મતદાન પ્રક્રિયાને હજી સુધી પ્રતિબંધ લગાવી દેવામાં આવેલ છે.
તમને જણાવી દઇએ કે કૈરાનામાં સપાથી વર્તમાન સાંસદ તબસ્સુમ હસન, કોંગ્રેસથી હરેન્દ્ર મલિક અને બીજેપીથી પ્રદીપ ચૌધરી મેદાનમાં છે. પહેલાં ચરણનાં મતદાનને માટે અહીં સવારથી જ લોકોનું આવવા જવાનું શરૂ હતું. પરંતુ એવામાં કોઇ વાતને લઇને ગ્રામ્યજનો ભડકી ગયાં અને તેઓએ પોલિંગ બુથ પર જ હંગામો કરવાનું શરૂ કરી દીધું. ત્યાર બાદ સુરક્ષામાં તૈનાત જવાનોએ ભીડ પર કાબુ મેળવવા માટે લાઠીચાર્જ શરૂ કરી દીધો અને જેનાંથી ગ્રામ્યજનોએ ભડકીને પથ્થરમારો શરૂ કર્યો. જો કે વળતા જવાબમાં જવાનોએ હવામાં ફાયરિંગ કરીને સમગ્ર ઉગ્રજન્ય વાતાવરણને શાંત કર્યુ. જો કે મોકા પર જ ડીએમ, એસપી અને બીજા અધિકારીઓએ ઘટનાસ્થળે પહોંચીને નારાજ લોકોને સમજાવવાનો પ્રયાસ કર્યો. પરંતુ એવું જણાવવામાં આવી રહેલ છે કે ગ્રામીણ લોકો ચૂંટણીને બહિષ્કાર કરવા પર અડગ રહ્યાં છે.
#WATCH Security personnel fired shots in air after some ppl tried to cast vote without voter ID at a polling station in Shamli. District Magistrate says,“BSF personnel, fired in air for security reasons after some ppl without voter ID tried to cast vote. Voting has resumed now." pic.twitter.com/iXRkS6xFaD
કૈરાનામાં મતદાન કેન્દ્રમાં ઘૂસવા પર ફાયરિંગની જાણ થતાં જ જિલ્લાધિકારીએ કહ્યું કે, "બીએસએફનાં જવાનોએ સુરક્ષા કારણોથી હવામાં ગોળી ચલાવી હતી. કેટલાંક લોકો વગર ઓળખપત્રનાં વોટ નાખવાની કોશિશ કરી રહ્યાં હતાં. હવે વોટિંગ બીજી વાર શરૂ થઇ ગયું છે.
ઉલ્લેખનીય છે કે લોકતંત્રનો સૌથી મોટો મહાપર્વ એટલે ચૂંટણી અને આજે લોકસભા ચૂંટણી માટે પહેલાં તબક્કાનું વોટિંગ શરૂ થઇ ગયું છે. ત્યારે પ્રથમ તબક્કાની લોકસભા ચૂંટણી માટે દેશનાં 20 રાજ્યોમાં 2 કેન્દ્ર શાસિત પ્રદેશ સહિત 91 સીટો પર મતદાતા પોતાનાં માતાધિકાર કરી રહ્યાં છે. દરેક જગ્યાએ આજ સવારનાં 7 વાગ્યાથી મતદાન શરૂ થઇ ગયું છે અને કેટલાંક અતિ સંવેદનશીલ વિસ્તારોમાં ખૂબ ચુસ્તપણે સુરક્ષાકર્મીઓનું બંદોબસ્ત ગોઠવી દેવામાં આવેલ છે.