ચૂંટણી / પંજાબમાં સત્તા સંઘર્ષ, કેપ્ટન અમરિન્દર બોલ્યા- મને હટાવી CM બનવા માંગે છે સિદ્ધુ

અમૃતસર લોકસભા સીટને લઇને નવજોતસિંહ સિદ્ધુ નારાજગી વ્યક્ત કરી ચૂક્યા છે. સિદ્ધુ ઇચ્છતા હતા કે તેમની પત્ની નવજોત કૌર સિદ્ધુને ટિકિટ મળે, પરંતુ એ બની શક્યું નહી. સિદ્ધુની સતત નિવેદનબાજી પર પલટવાર કરતા રવિવારે કેપ્ટન અમરિન્દર સિંહે કહ્યું કે મારા અને નવજોત સિંહ સિદ્ધુ વચ્ચે કોઇ નિવેદનબાજી ચાલી રહી નથી. તેમની પોતાની ઇચ્છાઓ છે. દરેક વ્યક્તિની પોતાની ઇચ્છાઓ હોય છે. 

પંજાબના મુખ્યમંત્રીએ કહ્યું કે હું તેમને બાળપણથી જાણું છું. મારા અને તેમના વચ્ચે જંગ ચાલી રહી છે, પરંતુ એ ખુદ મુખ્યમંત્રી બનવા માંગે છે અને મને બદલવા માંગે છે.

પંજાબમાં મતદાન પહેલા જ નવજોત કૌર સિદ્ધુએ મુખ્યમંત્રી અને પ્રદેશ નેતૃત્વ વિરુદ્ધ મોર્ચો ખોલી નાંખ્યો હતો. નવજોત કૌર સિદ્ધુએ પંજાબના મુખ્યમંત્રી અમરિન્દર સિંહ અને કોંગ્રેસના વરિષ્ઠ નેતા આશા કુમારી પર અમૃતસરથી લોકસભા ટિકિટ નહીં આપવા પર આરોપ લગાવી વિવાદ ઉભો કર્યો હતો.