લોકસભા ચૂંટણી 2019 / સવારે 8 વાગ્યાથી મતગણતરીનો પ્રારંભ, પરિણામમાં થઇ શકે છે વિલંબ

આ 542 બેઠક પર 8,000થી પણ વધારે ઉમેદવારોએ ચૂંટણી લડી હતી જેના ભાગ્યનો ફેંસલો આજે મતગણના પુરી થયા બાદ થઇ જશે. મતગણતરી માટે દેશભમાં તૈયારીઓ પૂર્ણ કરી દેવામાં આવી છે. લોકસભાના બધી બેઠક માટે મતગણતરી કેન્દ્ર બનાવી દેવામાં આવ્યાં છે જ્યાં સવારે 8 વાગ્યાથી મતગણતરીનો પ્રારંભ થશે.

લોકસભા ચૂંટણીમાં પ્રથમ વખત ઇવીએમના મતની ચકાસણી માટે વીવીપેટની પરચી સાથે મેળવવાની વ્યવસ્થા કરવામાં આવી છે. જેના કારણે લોકસભા ચૂંટણી 2019ના પરિણામનું ચિત્ર સ્પષ્ટ થવામાં થોડો વિલંબ પણ થાય.

ચૂંટણી આયોગે લોકસભાના પરિણામ આવવાના વિલંબની આશંકાને લઇને ઇનકાર નથી કર્યો. ઉલ્લેખનીય છે કે અંતિમ ચરણના મતદાન બાદ મોટાભાગના એક્ઝિટ પોલના પરિણામમાં ભાજની અધ્યક્ષતાવાળી એનડીએ ગઠબંધનની સરકાર ફરી સત્તામાં આવવાની સંભાવના દર્શાવવામાં આવી છે.

જો કે વિપક્ષદળે એક્ઝિટ પોલના પરિણામમે ફગાવી દીધુ છું. વિપક્ષે કોંગ્રેસ સહિતના ગઠબંધનની સરકાર બનવાનો દાવો કર્યો છે.