ગાંધીનગરઃ લોકસભાની ચૂંટણીમાં આ વખતે ગુજરાતમાં કુલ 26 માંથી 26 બેઠકો ભાજપ જીતી શકે તેમ નથી. વિધાનસભાની ચૂંટણીના પરિણામ પરથી અંદાજ આવી શકે છે કે ભાજપ માટે આ વખતે ચૂંટણી જીતવી આસાન નથી. કોંગ્રેસ સારો દેખાવ કરશે તેવા ગુપ્ત રિપોર્ટ બાદ ભાજપની કેન્દ્રીય નેતાગીરી ચોંકી ઉઠી છે.
આ જોતા જ પ્રધાનમંત્રી કાર્યાલયે ગુજરાતમાં કેવી રીતે સૌથી વધુ બેઠકો જીતી શકાય તે અંગે રાજય સરકાર અને ભાજપ પ્રદેશ સંગઠન પાસે રિપોર્ટ માંગ્યો છે. એક મહિનામાં ત્રિ-સ્તરીય રિપોર્ટ બનાવી PMOને મોકલવા આદેશ છે.
સૂત્રોના મતે નિક્રીય નેતાઓને સાઈડલાઈ કરવામાં આવશે. રાજયમાં ભાજપનું ચિત્ર હજુ સારુ નથી. ગુજરાતમાં 26 બેઠકો જીતવી ભાજપ માટે લોઢાના ચણા ચાવવા સમાન છે. ભાજપના સિનીયર નેતાઓ જ કહે છે કે ભાજપને 14-16 બેઠકો મળે તેમ છે.
લોકસભાની ચૂંટણીમાં આ વખતે ગુજરાતમાં 26 બેઠકો ભાજપને મળે તેવી સ્થિતિ નથી. ખુદ ભાજપના સિનીયર નેતાઓ જ નહી ગુપ્ત રિપોર્ટમાં જણાવાયું છે. બીજી તરફ કોંગ્રેસના ગઢ સમા મતવિસ્તારોમાં મત મેળવવા ભાજપ માટે અઘરુ છે.
આ કારણોસર કોંગ્રેસના નેતાઓને ખેંચવા ભાજપે કવાયત હાથ ધરી છે. બીજી તરફ તાલુકા જિલ્લા સ્તરે સંગઠનને મજબૂત કરવા પક્ષ સક્રિય થયો છે. લોકસભા ચૂંટણીમાં ભાજપ બેઠકો જાળવી રાખશે? ગુજરાતમાં વધુ બેઠકો કેવી રીતે જીતી શકાય?