જ્યારે પણ મેઘાલયમાં વોટિંગ થાય છે ત્યારે ત્યાંનાં નેતાઓથી વધારે તો મતદાતાઓ હંમેશા ખૂબ જ ચર્ચામાં આવતા હોય છે. આનું પાછળનું કારણ એ છે કે મતદાતાઓનાં અજીબો-ગરીબ નામ કે જેને સાંભળીને આપ પણ આશ્ચર્યમાં મુકાઇ જશો.
હકીકતમાં, મેઘાલયની આ લોકસભા ચૂંટણીમાં ઇટલી, સ્વીડન, ઇન્ડોનેશિયા, થાઇલેન્ડ, નાઇઝીરિયા, તિબેટ નામનાં મતદાતાઓ મતદાન કરશે. આ નામ તમને જરૂરથી કોઇ પણ રીતે એક ચુટકા જેવું લાગતું હશે પરંતુ હકીકતમાં મેઘાલયમાં લોકોએ દેશનાં નામ પર પોતાનાં નામ રાખ્યાં છે. લોકસભાનાં પ્રથમ ફેજમાં આ અજીબો-ગરીબ નામવાળાં મતદાતાએ મતાધિકારનો પ્રયોગ કર્યો છે. આ મતદાતાએ મેઘાલયનાં શિલોંગ અને તુરા લોકસભા સીટ પર વોટિંગ કર્યું છે.
ઇંડો-બાંગ્લાદેશ બોર્ડર પર વસેલ આ ગામમાં દરેકનાં નામ આવાં જ...
તમને જણાવી દઇએ કે સૌથી વધારે અનોખા નામવાળાં લોકો ઇંડો-બાંગ્લાદેશ બોર્ડર પર વસેલ ઉમ્નિઉહ તમાર ગામમાં છે. જાણકાર લોકો એવું જણાવે છે કે આ ગામનાં લોકો ઓછું ભણ્યાં છે પરંતુ જ્યારે તેઓનાં વોટર આઇ-ડી બન્યાં તો ગામ, શહેરો અને દેશોનાં નામ યાદીમાં તેઓએ દાખલ કરાવ્યાં.
એક સ્થાનીય અધિકારી એમ જણાવે છે કે ઉમ્નિઉહ તમાર ગામમાં એક હજારથી પણ વધારે વોટર છે. જેમાં ગોવા, કશ્મીર, ત્રિપુરા, ડિસપુર, બોમ્બે, વેલ્લોર, મૈસૂર જેવાં નામનાં લોકો પણ વોટર યાદીમાં છે.
અંગ્રેજી બોલવાનાં છે શોખીન, પરંતુ અર્થ નથી ખ્યાલઃ
ઉલ્લેખનીય છે કે બોર્ડર પર રહેનારા લોકોને અંગ્રેજી બોલવાનો ખૂબ શોખ છે. પરંતુ તે શબ્દોનાં અર્થ નથી જાણતા. જેથી જે નામ જીભ પર આવે છે તેને જ તેઓ પોતાનું નામ ગણી લે છે. અહીં પિતાનું નામ સ્વીડન તો પુત્રનું નામ સ્વેટર સુધી પણ હોય છે. દેશોનાં નામ સિવાય વૈરી મચ, અગ્રીમેંટ, રિક્વેસ્ટ, લાયર, વાયરલેસ, ડાયલ, સર્કિલ, સ્પૉટ, સિંબલ, પ્યૂરીફાય, સિસ્ટમ, ઇંચાર્જ, ઇવનિંગ, કરેક્શન જેવાં અનેક અંગ્રેજીમાં તેઓનાં નામ છે.