Sunday, July 21, 2019
સબસ્ક્રાઈબ કરો VTVGujarati ન્યુઝ Whatsapp

સલામ / VIDEO: કોઈએ ઑક્સિજન સિલિન્ડર સાથે, તો કોઈએ જીવનાં જોખમે કર્યુ મતદાન

VIDEO: કોઈએ ઑક્સિજન સિલિન્ડર સાથે, તો કોઈએ જીવનાં જોખમે કર્યુ મતદાન

દેશભરમાં લોકસભાની ચૂંટણીનું ત્રીજા તબક્કાનું મતદાન યોજાઈ ગયું. લોકશાહીનાં આ પર્વમાં સમગ્ર દેશ સાથે આપણાં રાજ્ય ગુજરાતે અનેરો ઉત્સાહ દાખવ્યો. રાજ્યમાં મતદાનનાં આજનાં દિવસ મતદારોનાં જુસ્સાનાં અનેક રંગો જોવાં મળ્યાં. રાજ્યમાં સામાન્ય મતદારો સાથે સાથે સદી વટાવી ચૂકેલાં વૃદ્ધો સાથે-સાથે બીમારી અને ભૌગોલિક સ્થિતિ સામે ઝઝુમી રહેલાં લોકોએ પણ મતદાન કર્યું. ત્યારે આખરે લોકશાહીનાં જીવંત રાખવાનાં નાગરિકોનાં જુસ્સાનો આ અહેવાલ જોઈએ.

દેશમાં સાત તબક્કામાં ચાલનારા લોકશાહીનાં લાંબા પર્વનો આજે ત્રીજા તબક્કો પૂર્ણ થઈ ગયો છે. સમગ્ર દેશ સાથે આજે રાજ્યમાં તમામ છવ્વીસ લોકસભા બેઠકો માટેનું મતદાન યોજાઈ ગયું. રાજ્યમાં આજે યોજાયેલાં મતદાનમાં મતદારોએ અભૂતપૂર્વ ઉત્સાહ દાખવ્યો છે. રાજ્યમાં અનેક મતદાન કેન્દ્રો પર સવારથી જ મતદારોનો ધસારો જોવાં મળ્યો. રાજ્યમાં આજે યોજાયેલાં મતદાન વખતે લોકશાહીને જીવંત રાખનારા મતદારોનાં અનેક રંગો જોવાં મળ્યાં.
 

સામાન્ય મતદારોએ તો મતદાન માટે ઉત્સાહ તો દાખવ્યો જ સાથે સાથે અનેક અસામાન્ય એવાં મતદારોએ પણ લોકતંત્રને જીવંત રાખવા પોતાની પહેલાં મતદાનને મતદાનને મહત્વ આપ્યું. પોતાનાં પગ પર ઘોડીનાં સહારે માંડ ચાલી શકતા આ યુવકનું દ્રશ્ય અમદાવાદનાં ઘાટલોડિયા મતદાન કેન્દ્રનું છે. શૌરીન શાહ નામનો યુવક ઈજાગ્રસ્ત હાલતમાં મતદાન કરવા પહોંચ્યો હતો. માત્ર શૌરીન જ નહીં પરંતુ નવસારીમાં પણ મદરેસા શાળા મતદાન કેન્દ્રમાં એક મહિલા ઓક્સિજન સાથે મતદાન કરવા પહોંચી હતી.

મમતાબેન ઠક્કર નામનાં આ મતદાર મહિલા ફેફસા અને હાર્ટની બીમારીથી પીડાઈ રહ્યાં છે છતાં જ્યારે વાત મતદાન કરવાની આવી તો તેમણે પોતાની બીમારીને ઘડીવાર ભૂલીને મતદાન કરવાની પહેલ કરી. લોકતંત્રને જીવંત રાખવાનાં જુસ્સાનો આવો જ એક કિસ્સો નવસારીનાં કબીલ પોર પાસેનાં મતદાન મથક પરથી જોવાં મળ્યો છે. જ્યાં નીરવ નાયક નામનાં મતદાર મગજનાં અનેક હુમલાઓ બાદ પણ મતદાન કરવા આવ્યાં હતાં. તેમને ચાલવામાં તકલીફ હતી છતાં મતદાન તો કર્યું જ.

માત્ર બીમાર અને અશક્ત ઉમેદવારોએ જ નહીં પરંતુ શતાયુ ઉમેદવારોએ પણ લોકતંત્રને જીવંત રાખવમાં અજબ ઉત્સાહ દાખવ્યો હતો. દ્વારકામાં દેવળિયા ગામમાં 108 વર્ષનાં વરિષ્ઠ નાગરિકે પોતાનાં મતાધિકારનો ઉપયોગ કર્યો હતો તેમણે આ ઉંમરે મતદાન કરીને યુવાઓને પણ પોતાનાં મતાધિકારનો વટથી ઉપયોગ કરવાની અપીલ કરી હતી. જ્યાં એક તરફ રાજ્યમાં કેટલાંક નાગરિકોએ પોતાની શારીરિક અક્ષમતાઓ સાથે પણ લોકશાહીને સક્ષમ રાખવા માટે જહેમત ઉઠાવી હતી.

તો બીજી તરફ રાજ્યમાં કેટલાંક નાગરિકોએ અત્યંત અગવડ વચ્ચે પણ મતદાન કરીને એ સાબિત કરી દીધું હતું કે રાષ્ટ્ર અને લોકશાહીને જીવંત રાખવા કંઈ પણ જતું કરવા તૈયાર છીએ. આ વાતને સાબિત કરતાં સંતરામપુરનાં ટીમલા પશ્ચિમ ગામનાં અઢીસો જેટલાં મતદારોએ નાવડીઓનો સહારો લઈને મતદાન કર્યું હતું. આ ગામનાં લોકો કડાણા ડેમનાં પાણી પર હોડીઓનો સહારો લઈને 2 કિલોમીટર અંતર કાપીને મતદાન મથક સુધી પહોંચ્યાં હતાં અને તેમનાં મતાધિકારનો ઉપયોગ કર્યો હતો.

રાજ્યમાં આજે મતદાનનાં દિવસે કેટલાંક શહેરી વિસ્તારમાં થોડો નિરસ મહોલ પણ જોવાં મળ્યો ત્યારે રાજ્યનાં અનેક વિસ્તારોમાં આવાં અક્ષમ, વરિષ્ઠ અને અને અનેક અગવડોથી ઘેરાયેલાં મતદારોઓ મતદાન કરાવમાં જે જુસ્સો દાખવ્યો તે સલામને પાત્ર તો છે જ સાથે બીજા અનેક નાગરિકો માટે પ્રેરણારૂપ પણ છે.

 

જોવા જેવું વધુ જુઓ

બ્રેકિંગ ન્યૂઝ