કેન્દ્રીય મંત્રી અને અમેઠી લોકસભા બેઠક પરના ઉમેદવાર સ્મૃતિ ઈરાનીએ ગુરુવારે ઉમેદવારી પત્ર ભર્યુ, ત્યારે હાલ રજૂ કરેલી એફિડેવિટમાં પાંચ વર્ષ પહેલાં ગ્રેજ્યુએટ સ્મૃતિ ઈરાનીએ દિલ્હી યૂનિવર્સિટીમાંથી ગ્રેજ્યુએશનનો અભ્યાસ પુરો કર્યો નથી, તેમ જણાવ્યું છે. સ્મૃતિએ સોગંદનામામાં કહ્યું હતું કે, 1991માં સેકેન્ડરી શાળાની પરીક્ષા અને 1993માં 10માં ધોરણની પરીક્ષા પાસ કરી હતી.
સ્મૃતિ ઈરાનીના ભણતર પર સવાલો ઉઠાવતા કોંગ્રેસની પ્રિયંકા ચતુર્વેદીએ કહ્યું કે, ''હવે એક નવી સિરીયલ આવી રહી છે. ''ક્યૂકી મંત્રી ભી કભી ગ્રેજ્યુએટ થી'' જે ઓપનિંગ લાઈન છે જેમાં ભણતરના રૂપ પણ બદલાય છે, નવા નવા ઢાંચામાં જોવા મળે છે, એક ડિગ્રી આવે છે એક ડિગ્રી જાય છે, પછી નવા સોગંદનામા બને છે.''
#WATCH Congress' Priyanka Chaturdevi: A new serial is going to come, 'Kyunki Mantri Bhi Kabhi Graduate Thi'; Its opening line will be 'Qualifications ke bhi roop badalte hain, naye-naye sanche mein dhalte hain, ek degree aati hai, ek degree jaati hai, bante affidavit naye hain. pic.twitter.com/o8My3RX9JR
સ્મૃતિ ઇરાનીએ જણાવ્યુ કે, ''તેમને 1994માં દિલ્હી યુનિવર્સિટીની સ્કૂલ ઓફ ઓપન લર્નિગથી ત્રણ વર્ષના ડિગ્રી કોર્સમાં તેમનું બેચલર ઓફ કોમર્સ પુરુ કર્યુ નથી. ''મહત્વનું છે કે 2014ની ચૂંટણી માટે આપેલા સોગંદનામામાં તેમણે કથિત રીતે કહ્યું હતું કે, ''1994માં તેમણે યુનિવર્સિટીમાંથી ગ્રેજ્યુએશન કર્યું હતું.'' તેમના આ દાવા પર સવાલ ઉઠાવતા વિપક્ષે તેમના ગ્રેજ્યુએટ ન હોવાની વાત કરી હતી.
સ્મૃતિ ઇરાની પાસે છે આટલી સંપત્તિ:
સ્મૃતિ ઈરાની આ વખતે લોકસભા ચૂંટણીમાં કોંગ્રેસ અધ્યક્ષ રાહુલ ગાંધી સામે અમેઠીથી ચૂંટણી લડી રહી છે. આ વર્ષે સ્મૃતિએ 4.71 કરોડ રૂપિયાથી પણ વધારે સંપત્તિ બતાવી છે. સોંગદનામા પ્રમાણે ઈરાનીએ 1.75 કરોડ રૂપિયાની ચલ સંપત્તિ અને 2.96 કરોડ રૂપિયાની અચલ સંપત્તિ બતાવી છે, જેમાં 1.45 કરોડ રૂપિયાથી વધારાની ખેતીલાયક જમીન અને 1.40 કરોડની બિનરહેવાસી ઈમારત પણ સામેલ છે.
ચલ સંપત્તિમાં તેમની પાસે 31 માર્ચ સુધી બેન્ક ખાતામાં 89 લાખ રૂપિયા ઉપરાંત 6.24 લાખ રોકડા છે. તેમની પાસે NSSમાં 18 લાખ રૂપિયા અને પોસ્ટ સેવિંગ વીમો અને 1.05 લાખ રૂપિયા અન્યમાં રોકાણ કરેલા છે. સ્મૃતિ ઈરાની પાસે 13.14 લાખ રૂપિયાની ગાડીઓ અને 21 લાખ રૂપિયાના ઘરેણાં છે. તેમની સામે કોઈ FIR નથી, તેમજ કોઈ દેવું પણ નથી. તેમના પતિ ઝુબિન ઈરાની પાસે 1.69 કરોડ રૂપિયાથી વધારેની ચલ સંપત્તિ અને 2.97 કરોડ રૂપિયાની અચલ સંપત્તિ છે.