પરિણામ / કોંગ્રેસની પારંપરિક સીટ અમેઠી પર આવ્યાં આંચકાજનક સમાચાર, ભાજપ સાતમા આસમાને

કોંગ્રેસ અધ્યક્ષ રાહુલ ગાંધીએ લોકસભા ચૂંટણીના પરિણામો બાદ પ્રેસ કોન્ફરન્સમાં અમેઠી લોકસભા બેઠકથી પોતાની હાર સ્વિકારી લીધી છે. રાહુલ ગાંધીએ અમેઠી પોતાની હાર સ્વિકારી અને સ્મૃતિ ઇરાનીની જીત પર અભિનંદન પાઠવ્યા. 

મહત્વની વાત છે કે અમેઠી બેઠક પર હાર-જીતના ઔપચારિક એલાન પહેલા જ રાહુલ ગાંધીએ ખુદ હાર માની લીધી છે. જોકે રાહુલ ગાંધી અમેઠી લોકસભા ચૂંટણીમાં સ્મૃતિ ઇરાની કરતા ઘણા પાછળ રહ્યા છે. જોકે, તેઓ વાયનાડ બેઠક પરથી જીત્યા છે. 

Congress President Rahul Gandhi concedes defeat in Amethi, says, "I respect the decision and congratulate Smriti Irani ji." #ElectionResults2019 pic.twitter.com/Y4tIYhteXU

— ANI (@ANI) May 23, 2019

અમેઠી લોકસભા બેઠક
અમેઠી કોંગ્રેસ પરિવારની પરંપરાગત બેઠક તરીકે જાણીતી છે. અમેઠી લોકસભા બેઠકથી કોંગ્રેસ અધ્યક્ષ રાહુલ ગાંધી સાંસદ હતા. ગત વખતની જેમ આ વખતે પણ રાહુલ ગાંધીની ટક્કર કેન્દ્રીય મંત્રી સ્મૃતિ ઇરાની સાથે હતી. ભાજપે ફરી એક વખત સ્મૃતિ ઇરાનીને રાહુલ ગાંધી વિરૂદ્ધ મેદાને ઉતાર્યા હતા. ત્યારે આ વખતે રાહુલ ગાંધીનો કારમો પરાજય થયો છે. જોકે, ગત વખત સ્મૃતિ ઇરાનીને હારનો સામનો કરવો પડ્યો હતો. રાહુલ ગાંધી આ વખતે અમેઠીની સાથો સાથ કેરળની વાયનાડ બેઠકથી ચૂંટણી લડી હતી.