વારાણસીઃ પ્રધાનમંત્રી મોદીએ શુક્રવારનાં રોજ જ્યારે વારાણસીથી ઉમેદવારી દાખલ કરી તો તેમાં આ વખતની કેટલીક વાતો 2014થી કંઇક અલગ હતી. મોદીએ આ વખતે રોડ શોને આધારે પોતાનું શક્તિ પ્રદર્શન એક દિવસ પહેલાં કર્યુ તો શુક્રવારનાં રોજ ઉમેદવારી દરમ્યાન એનડીએની શક્તિ દેખાડવાની કોશિશ કરી. તેઓની ઉમેદવારીમાં એનડીએનાં તમામ મોટા નેતાઓ હાજર રહ્યાં.
ઉમેદવારી નોંધાવતા પહેલાં મોદીને એક અલગ જ અંદાજ જોવા મળ્યો. તેઓએ અકાલી દળનાં વયોવૃદ્ધ નેતા પ્રકાશ સિંહ બાદલનાં પગ સ્પર્શ કર્યા. ત્યાર બાદ તેઓએ કચેરીમાં દાખલ થયા બાદ તેઓએ ઉમેદવારીનું ફોર્મ આપનાર વૃદ્ધ મહિલા અન્નપૂર્ણા શુક્લાનાં પગ સ્પર્શીને તેમનાં આશીર્વાદ લીધાં. ઉમેદવારી ફોર્મ ભરવા દરમ્યાન મોદી અંદાજે 45 મિનીટ સુધી ડીએમની ઓફિસમાં બેસી રહ્યાં.
ચાર અલગ-અલગ પ્રસ્તાવકઃ
મોદીની ઉમેદવારીમાં વધુ એક રસપ્રદ વાત તો તેમનાં પ્રસ્તાવકોને લઇને છે. મોદીએ આ વખતે ઉમેદવારીનાં 4 નવા પ્રસ્તાવક બનાવ્યાં. 2019ની ઉમેદવારીમાં પીએમએ ચાર અલગ-અલગ ક્ષેત્રનાં પ્રસ્તાવકોને શામેલ કર્યા. આ પ્રસ્તાવક હતાં- ડોમરાજ પરિવારનાં જગદીશ ચૌધરી, સામાજિક કાર્યકર્તા સુભાષ ગુપ્તા, વનિતા પૉલિટેક્નિકની પૂર્વ પ્રધાનાચાર્ય અન્નપૂર્ણા શુક્લા અને કૃષિ વૈજ્ઞાનિક રામ શંકર પટેલ.
રૂમમાં અંદાજે પોણા કલાક બેસી રહેતી વેળાએ પણ લેતા રહ્યાં અપડેટઃ
ઉમેદવારી દાખલ કરવા માટે મોદીનો અંદાજ કંઇક અલગ જ નજરે આવ્યો. જિલ્લાધિકારી સુરેન્દ્ર સિંહ સમય મોદીનાં ઉમેદવારી પત્રોની તપાસ કરી રહ્યાં હતાં તે સમયે મોદી કર્મચારીઓને રૂમ તરફ ઇશારો કરતા હાલચાલ લેતા પણ નજરે આવ્યાં. મોદી ઉમેદવારી પત્રોની તપાસ દરમ્યાન પૂરી ધીરજતા સાથે ખુરશી પર બેસી રહ્યાં.