લોકસભાની ચૂંટણીનું પ્રથમ તબક્કાનું મતદાન 11 એપ્રિલના રોજ યોજાશે. પ્રથમ તબક્કામાં 20 રાજ્યોના 91 લોકસભા બેઠકને લઇને મતદાન થશે. પ્રથમ તબક્કામાં કેન્દ્રીય પ્રધાન નિતીન ગડકરી ભાવિ મતપેટીમાં બંધ થશે.
પહેલા તબક્કામાં 20 રાજ્યોની 91 લોકસભા સીટો પર મતદાન યોજાશે. 11મી એપ્રિલના રોજ પહેલા તબક્કાનું મતદાન યોજાશે. જેને લઇને આજે પહેલા તબક્કા માટે ચૂંટણી પ્રચારનો અંતિમ દિવસ છે. ત્યારે આ 91 બેઠકોને લઇને અનેક દિગ્ગજ નેતાઓ ચૂંટણી પ્રચાર માટે મેદાનમાં ઉતરશે.
ઉત્તર પ્રદેશમાં પહેલા તબક્કાની ચૂંટણી માટે આજે સાંજે પાંચ વાગ્યાથી ચૂંટણી પ્રચાર શાંત થશે. પહેલા તબક્કામાં વેસ્ટ યૂપીની 8 સીટો પર 11 એપ્રિલના રોજ મતદાન યોજાશે. ત્યારે આજે ચૂંટણી પ્રચારના છેલ્લા દિવસે દરેક ઉમેદવારો એડીચોટીનું જોર લગાવશે.
સપાના અધ્યક્ષ અખિલેશ યાદવ અને બસપાના અધ્યક્ષા માયાવતી જ્યાં રેલી કરશે ત્યાં જ યૂપીના સીએમ યોગી પણ ભાજપના ઉમેદવારો માટે રેલી યોજશે. જ્યારે કોંગ્રેસ અધ્યક્ષ રાહુલ ગાંધી અને રાષ્ટ્રીય મહાસચિવ પ્રિયંકા ગાંધી પણ રોડ શો કરી શકે છે.
લોકસભાની ચૂંટણીનું પ્રથમ તબક્કાનું મતદાન 11 એપ્રિલના રોજ યોજાશે. પ્રથમ તબક્કામાં 20 રાજ્યોના 91 લોકસભા બેઠકને લઇને મતદાન થશે. પ્રથમ તબક્કામાં કેન્દ્રીય પ્રધાન નિતીન ગડકરી ભાવિ મતપેટીમાં બંધ થશે. નિતીન ગડકરી મહારાષ્ટ્રમાં રાજકારણનો મોટો ચહેરો છે.
નિતીન ગડકરી એકવાર ફરી ભાજપની ટિકિટ પર નાગપુર બેઠક પરથી ચૂંટણી લડી રહ્યાં છે. આરએલડીના સંસ્થાપક અજીત સિંહ મુઝફ્ફરનગર બેઠક પરથી પોતાનું નસીબ અજમાવી રહ્યાં છે. તેમની સીધી ટક્કર ભાજપના ઉમેદવાર સંજીવ બાલ્યાન સાથે થઇ રહી છે. પૂર્વ સેના પ્રમુખ અને વિદેશ રાજ્યમંત્રી જનરલ વીકે સિંહ એકવાર ફરી ભાજપની ટીકીટ પર ગાઝિયાબાદની બેઠક પરથી ચૂંટણી લડી રહ્યાં છે.