લોકશાહીનો મહાપર્વ / મોદી સહિત ભાજપનાં આ દિગ્ગજ નેતાઓ આવતી કાલે કરશે મતદાન, જાણો ક્યાં અને કેટલાં વાગે?

આ દિગ્ગજ નેતાઓની જો વાત કરીએ તો તેમાં આપણાં વડાપ્રધાન નરેન્દ્ર મોદી ખુદ પોતે આવતી કાલનાં રોજ અમદાવાદમાં સવારનાં 7:30 વાગ્યે શહેરનાં રાણીપ વિસ્તારની નિશાન હાઇસ્કૂલનાં મતદાન મથકે મતદાન કરશે. ઉપરાંત ભાજપનાં રાષ્ટ્રીય અધ્યક્ષ અને ગાંધીનગરનાં ઉમેદવાર એવાં અમિત શાહ સવારનાં 9:00 વાગ્યે નારણપુરા ખાતે કોર્પોરેશનની સબ ઝોનલ ઓફિસ ખાતે બુથ નં. 42માં પોતાનું મતદાન કરશે.
 

નાણાંમંત્રી અરૂણ જેટલી સવારનાં 9:30 વાગ્યે ચીમનભાઇ પટેલ ઇન્સ્ટીટ્યૂટમાં મતદાન કરશે. એલ.કે અડવાણી સવારનાં 11:15 વાગ્યે શાહપુર ખાતેની હિન્દી શાળામાં મતદાન કરશે. રાજ્યનાં સીએમ વિજયભાઇ રૂપાણી સવારનાં 8:00 વાગ્યે રાજકોટમાં અનિલ જ્ઞાનમંદિરમાં મતદાન કરશે. ડે.સીએ નીતિન પટેલ સવારનાં 10:00 વાગ્યે કડીમાંથી પોતાનું મતદાન કરશે અને જીતુ વાઘાણી સવારનાં 8:30 વાગ્યે ભાવનગર ખાતે મતદાન કરશે.
 

 
અન્ય દિગ્ગજ નેતાઓની જો વાત કરીએ તો કેબિનેટ મંત્રી ભૂપેન્દ્ર ચુડાસમા ધોળકામાં મતદાન કરશે. પાટણથી ભાજપનાં ઉમેદવાર ભરતસિંહ ડાભી ખેરાલુમાં મતદાન કરશે.  તેમજ કેબિનેટ મંત્રી જયેશ રાદડિયા જામકંડોરણામાં મતદાન કરશે. પુરુષોત્તમ રૂપાલા પણ સવારનાં 7:00 વાગ્યે અમરેલીથી મતદાન કરશે. મનસુખ માંડવિયા સવારનાં 10:00 વાગ્યે ભાવનગરથી મતદાન કરશે. કાયદામંત્રી પ્રદીપસિંહ જાડેજા સવારનાં 10:30 વાગ્યે વસ્ત્રાલમાં પોતાનું મતદાન કરશે. બનાસકાંઠાથી ભાજપનાં ઉમેદવાર પરબત પટેલ થરાદમાં મતદાન કરશે.