Vtv Exclusive: ગુજરાતના આ સાસંદોની કપાઇ શકે છે ટિકીટ BJPના આ દિગ્ગજ નેતા પણ....

ગાંધીનગરઃ મોદી લહેર પર લોકસભાની ચૂંટણી જીતેલા 13 સાંસદોને આવનારી ચૂંટણીમાં ઝટકો લાગી શકે છે. કારણકે 13 સાંસદો એવા છે જેઓ ઉંમર વિવાદ અને કામગીરીને લઇને ભાજપના ગ્રાફમાં ફિટ થતાં નથી.  

વીટીવીને રાજકીય સૂત્રો તરફથી મળેલી માહિતી પ્રમાણે ભાજપના વરિષ્ઠ નેતા એલ.કે.અડવાણી આવનારી ચૂંટણી લગભગ નહીં લડે. તેમના સ્થાને ગાંધીનગર બેઠક પરથી નવો ચહેરો ઉતારવામાં આવશે.

તો કચ્છ પાટણ મહેસાણાના ઉમેદવારોને પણ બદલવામાં આવશે. કચ્છના સાંસદ વિનોદ ચાવડાની કામગીરી નબળી છે. તો પાટણના સાંસદ લીલાધર વાઘેલાના પાર્ટી વિરોધી વલણના કારણે ટિકિટ કપાઇ શકે છે. તો અમદાવાદના સાંસદ કિરીટ સોલંકીને પણ એન્ટી ઇન્કમબન્સી નડવાનો ડર છે. સુરેન્દ્રનગરના સાંસદ દેવજી ફતેપરા કેટલાક વિવાદમાં ફસાયા છે.


પોરબંદરના સાંસદની તબિયત સારી ન હોવાના કારણે નવા ચહેરાને પ્રધાન્ય આપવામાં આવશે. અમરેલીમાં વિધાનસભાની ચૂંટણીમાં ભાજપને સારુ પ્રદર્શન ન કર્યું. એટલે હવે ત્યાંના સાંસદ નારણ કાછડિયાને લગભગ રિપિટ
કરવામાં નહી આવે.

તો ભાવનગર પંચમહાલ અને આણંદમાં પણ ભાજપ નવા ચહેરાને ચૂંટણી મેદાને ઉતારી શકે છે. જ્યારે છોટા ઉદેપુરમાં રામસિંહ રાઠવા પાર્ટી સાથે તાલમેલ ધરાવતા ન હોવાના કારણે ટિકિટ કપાઇ શકે છે. તો બારડોલીમાં
પણ પરભુ વસાવાના કારણે પાર્ટી ઉમેદવાર બદલવા માગે છે.

કપાઇ શકે છે ટિકીટ

બેઠક- કચ્છ
સાંસદ- વિનોદ ચાવડા
કારણ- કામગીરી નબળી સ્થાનિક પ્રશ્નો અવરોધ રૂપ

બેઠક- પાટણ
સાંસદ- લીલાધર વાઘેલા
કારણ- તબિયત નાદુરસ્ત પક્ષ વિરોધી વલણ

બેઠક- મહેસાણા
સાંસદ- જયશ્રીબેન પટેલ
કારણ- એન્ટી ઇન્કમબન્સીનો ડર કામગીરી નબળી

બેઠક- ગાંધીનગર
સાંસદ- એલ.કે.અડવાણી
કારણ- વધુ ઉંમર નવા ચહેરાના પ્રાધાન્ય

બેઠક- અમદાવાદ પશ્ચિમ
સાંસદ- કિરીટ સોલંકી
કારણ- એન્ટી ઇન્કમબન્સીનો ડર

બેઠક- સુરેન્દ્રનગર
સાંસદ- દેવજી ફતેપરા
કારણ- ઘણા વિવાદમાં ફસાયા કામગીરી નબળી

બેઠક- પોરબંદર
સાંસદ- વિઠ્ઠલ રાદડિયા
કારણ- નાદુરસ્ત તબિયત મુખ્ય કારણ

બેઠક- અમરેલી
સાંસદ- નારણ કાછડિયા
કારણ- સ્થાનિક સંગઠન પર પકડ ગુમાવી

બેઠક- ભાવનગર
સાંસદ- ભારતીબેન શિયાળ
કારણ- નવા ઉમેદવારને મળી શકે છે પ્રાધાન્ય

બેઠક- આણંદ
સાંસદ- દિલીપ પટેલ
કારણ- નવા ઉમેદવારને મળી શકે છે મોકો

બેઠક- પંચમહાલ
સાંસદ- પ્રભાતસિંહ ચૌહાણ
કારણ- પરિવારના કારણે વિવાદમાં આવ્યા

બેઠક- છોટા ઉદેપુર
સાંસદ- રામસિંહ રાઠવા
કારણ- નબળી કામગીરી પક્ષ સાથે તાલમેલનો અભાવ

બેઠક- બારડોલી
સાંસદ- પરભુ વસાવા
કારણ- પક્ષ નવા ચહેરાને આપશે પ્રાધાન્ય

ભાજપના 7 સાંસદોની ઉમેદવારી પર સંકટ
ભાજપના વધુ સાત સાંસદો આવે છે જેમની ઉમેદવારી પર ખતરો છે. સુરત નવસારી વલસાડના સાંસદોને રિપીટ કરવા કે નહી તેના પર હાઇકમાન્ડ મંથન કરશે. તો વડોદરામાં પણ નવા ઉમેદવારને પ્રધાન્ય આપવામાં
આવી શકે છે. ખેડામાં કોંગ્રેસ મજબુત થઇ રહી છે. એટલે દેવુસિંહ ચૌહાણની ટિકિટ પર ખતરો છે. પરંતુ ટિકિટ મળવાની સંભાવનાને પણ નકારી શકાય નહીં.

તો ભરૂચમાં મનસુખ વસાવાના વિવાદના કારણે ચર્ચામાં રહે છે. જ્યારે જૂનાગઢમાં રાજેશ ચુડાસમાને પણ એન્ટી ઇન્કમબન્સી નડી શકે છે. એટલે આ સાત બેઠકો પર ભાજપ મંથ કરશે.

ખુરશી જવાનો ભય

બેઠક- સુરત 
સાંસદ- દર્શના જરદોશ 
કારણ- ઉમેદવાર સારા પાટીદાર આંદોલનની અસર 

બેઠક- નવસારી 
સાંસદ- સી.આર.પાટીલ 
કારણ- સ્થાનિક કક્ષાએ વિરોધ પાણી-GSTના કારણે લોકોમાં નારાજગી 

બેઠક- વલસાડ 
સાંસદ- કે.સી.પટેલ 
કારણ- નબળી કામગીરીના કારણે હાઇકમાન્ડ નારાજ 

બેઠક- વડોદરા 
સાંસદ- રંજનબેન ભટ્ટ 
કારણ- પક્ષ નવા ઉમેદવારને આપશે પ્રાધાન્ય 

બેઠક- ખેડા 
સાંસદ- દેવુસિંહ ચૌહાણ 
કારણ- કોંગ્રેસ મજબુત બનતા એન્ટી ઇન્કમબન્સીનો ભય 

બેઠક- ભરૂચ 
સાંસદ- મનસુખ વસાવા 
કારણ- હાઇકમાન્ડની નજરમાં પરંતુ કામગીરી નબળી 

બેઠક- જૂનાગઢ 
સાંસદ- રાજેશ ચુડાસમા 
કારણ- એન્ટી ઇન્કમબન્સી છતાં પક્ષ આપી શકે છે મોકો