એક તરફ દેશ હજી પણ કોરોનાગ્રસ્ત છે, બીજી તરફ પાકિસ્તાનથી આવેલી નવી આફતે અનેક રાજ્યોને હાલાકીમાં મૂક્યા છે. રાજસ્થાન અને મધ્યપ્રદેશમાં કહેર વર્તાવ્યા બાદ હવે તેણે યુપી પર હુમલો કર્યો છે. આ સાથે તેને પહોંચી વળવા માટે રાજ્યભરમાં એલર્ટ જાહેર કરવામાં આવ્યું છે. જાણો આ નવી આફત શું છે
તીડનું ટોળું એપ્રિલના બીજા અઠવાડિયામાં પાકિસ્તાનથી રાજસ્થાન પહોંચ્યું હતું
રાજસ્થાન અને મધ્યપ્રદેશમાં કહેર વર્તાવ્યા બાદ હવે તેણે યુપી પર હુમલો કર્યો
મિનિટોમાં ઘણા એકરના ઉભા પાકને નષ્ટ કરી દે છે, આખા યુપીમાં ચેતવણી અપાઈ છે
ખેડુતોને જાગૃત કરવા માટે એક વ્યાપક અભિયાન શરૂ કરાયું
દેશમાં કોરોના કેસ સતત વધી રહ્યા છે અને આ દરમિયાન બીજી સમસ્યા વધુ વિકટ બની રહી છે. જે છે સ્થાયી પાક પર આ તીડનો હુમલો. રાજસ્થાન અને મધ્યપ્રદેશમાં તોડફોડ કર્યા બાદ હવે તે ઉત્તરપ્રદેશ શિફ્ટ થઈ ગયા છે. તેણે રાજ્યના ઘણા જિલ્લાઓને ઝપેટમાં લીધા છે અને તેના કારણે ઉત્તર પ્રદેશ સરકારે રાજ્યભરમાં એલર્ટ જાહેર કરવું પડ્યું છે.
તીડનું ટોળું એપ્રિલના બીજા અઠવાડિયામાં પાકિસ્તાનથી રાજસ્થાન પહોંચ્યું હતુ. રાજસ્થાનના 18 જિલ્લાઓ અને મધ્યપ્રદેશના લગભગ 12 જિલ્લાઓમાં પાકને નુકશાન પહોંચાડ્યા પછી હવે તે ઉત્તરપ્રદેશના ઝાંસી અને આગ્રા પહોંચ્યા છે. આ સમસ્યા એટલી મોટી છે કે ઉત્તર પ્રદેશ સરકારે સમગ્ર રાજ્યમાં એલર્ટ જાહેર કર્યુ છે. ઉત્તર પ્રદેશના 17 જિલ્લાઓને પોતાના ઝપેટમાં લીધા છે. જેમાં આગ્રા, અલીગઢ, મથુરા, બુલંદશહેર, હાથરસ, એટા, ફિરોઝાબાદ, મૈનપુરી, ઇટાવા, ફરુર્ખાબાદ, ઔરેયા, જાલૌન, કાનપુર, ઝાંસી, મહોબા, હમીરપુર અને લલિતપુરનો સમાવેશ થાય છે.
5 દિવસમાં 200 કિ.મી.ની સફર
ઉત્તર પ્રદેશ કૃષિ વિભાગના અધિકારીઓના જણાવ્યા મુજબ તીડનો મોટુ ટોળુ એક કલાકમાં અનેક એકર ઉભા પાકને નષ્ટ કરી શકે છે. આ સ્થિતિને પહોંચી વળવા ઉત્તર પ્રદેશના કૃષિ વિભાગે ખેડૂતોને જાગૃત કરવા માટે એક વ્યાપક અભિયાન શરૂ કર્યુ છે. આગ્રામાં જિલ્લા વહીવટીતંત્રે આગળના ભાગે કેમિકલ સ્પ્રે વાળા 204 ટ્રેકટરો લગાવ્યા છે. 20 મેના રોજ રાજસ્થાનના દૌસા જિલ્લામાં એક તીડનું ટોળુ જોવા મળ્યું હતુ. ફક્ત 5 દિવસમાં તે અજમેરથી 200 કિલોમીટર દૂર દૌસા પહોંચ્યુ હતુ અને હવે ઉત્તરપ્રદેશમાં પ્રવેશ કર્યો છે.
મધ્યપ્રદેશમાં કહેર
મધ્યપ્રદેશના ટોળાઓએ ઓછામાં ઓછા 12 જિલ્લાઓમાં ઉભા પાકનો નાશ કર્યો છે. પાછલા એક દાયકામાં આ સૌથી મોટો તીડનો હુમલો છે. તીડના ઝુંડ 17 મેના રોજ મંદસૌર અને નીમચ પહોંચ્યા હતા. અને પછી જોત જોતાંમાં તેણે વધુ 10 જિલ્લાઓને ઘેરી લીધા હતા. તીડના હુમલાથી મંદસૌર, નીમચ, ઉજ્જૈન, દેવાસ, શાજાપુર, ઇન્દોર, ખરગૌન, મોરેના અને શ્યોપુર જિલ્લાઓ સૌથી વધુ અસરગ્રસ્ત થયા છે.