ગુજરાત પર એક તરફ કોરોના વાયરસ મહામારીનો કહેર યથાવત જોવા મળી રહ્યો છે. ત્યારે બીજી તરફ રાજ્યના ખેડૂતો માથે તીડનું સંક્ટ પણ થોડા સમયના અંતરે આવી પડે છે. અગાઉમ આપવામાં આવેલી આગાહી મુજબ રાજ્યમાં તીડુનું વધુ એક આક્રમણ જુન મહિનામાં જોવા મળશે. જેમાં રાજ્યના કેટલાંક જિલ્લાઓમાં ફરી તીડનું આક્રમણ થાય તેવી શક્યતાઓ દર્શાવામાં આવી હતી. ત્યારે રાજ્યના બનાસકાંઠા સુઇગામ તાલુકામાં તીડના ધામા જોવા મળતાં ખેડૂતોની પરેશાનીમાં વધારો થયો છે.
બનાસકાંઠા સુઇગામ તાલુકામાં તીડના ધામા
સફેદ અને લાલ કલરના તીડ જોવા મળતા ખેડૂતો ચિંતિત
લોકોએ થાળી, તગારા વગાડી તીડ ભગાવવાની કરી કોશિશ
રાજ્યના બનાસકાંઠા જિલ્લામાં ફરી તીડના આક્રમણથી જગતના તાતની મુશ્કેલીમાં વધારો જોવા મળી રહ્યો છે. જો કે આ વખતે સફેદ અને લાલ કલરના તીડ જોવા મળતાં ખેડૂતોની ચિંતિત થયા છે.
બનાસકાંઠા સુઇગામ તાલુકામાં તીડનો આંતક વધી રહ્યો છે. બનાસકાંઠાના મોરવાડા સહિત અન્ય ગામોમાં તીડના ઝૂંડના ઝૂંડ જોવા મળી રહ્યાં છે. સરહદી વિસ્તારમાં પાંચમી વાર સફેદ અને લાલ કલરના તીડ જોવા મળતા ખેડૂતો ચિંતામાં મૂકાઇ ગયા છે.
ખેડૂતો થાળી વગાવીને તીડને ભગાડવાની કોશિશ કરી રહ્યાં છે. બનાસકાંઠા જિલ્લામાં તીડના આતંકને નાથવા માટે ખેતીવાડી ટીમે અને તીડ નિયંત્રણ ટીમે કવાયત હાથ ધરી છે.