કોરોના સંકટ વચ્ચે તીડનું પણ સંકટ સામે આવ્યું છે. આફ્રિકા તરફથી આવેલું તીડનું મોટું ઝુંડ ગુજરાત તરફ વળ્યું છે. સૌરાષ્ટ્ર અને હાલરના ભાવનગર, મોરબી, સુરેન્દ્રનગર, જામનગર અને બનાસકાંઠા સહિતના જિલ્લાઓમાં તીડના ટોળા જોવા મળ્યા છે. જેને લઈને ખેડૂતોની ચિંતામાં વધારા થયો છે. તો હાલારના જિલ્લાઓમાં તીડના આક્રમણનો ખતરો હોવાથી તંત્ર દ્વારા 1077 નંબરની હેલ્પલાઈન સેવા શરૂ કરવામાં આવી છે.
સૌરાષ્ટ્રના જિલ્લાઓમાં તીડનું આક્રમણ
હાલારના જિલ્લાઓમાં તીડના આક્રમણનો ખતરો
તંત્ર દ્વારા 1077 નંબરની હેલ્પલાઈન સેવા શરૂ કરાયો
સૌરાષ્ટ્રના વધુ એક જિલ્લામાં તીડનું ઝુંડ પહોંચી ગયું છે. અમરેલીના સાવરકુંડલાની સીમમાં તીડનું ઝુંડ જોવા મળ્યું છે. જેને લઈને ખેડૂતોની ચિંતામાં વધારો થયો છે. બાજરી, તલ સહિતના પાકો પર તીડનું ઝુંડ ત્રાટક્યું હતું. ખેડૂતોને મોટા નુકસાનની આશંકા છે.
હાલારના જિલ્લાઓમાં તીડના આક્રમણનો ખતરોઃ કલેક્ટર
પોરબંદરના કલેક્ટરે જણાવ્યું કે, જામનગર, દેવભૂમિ દ્વારકા અને પોરબંદર જિલ્લામાં પણ આક્રમણનો ખતરો છે. નાગરિકોને સચેત રહેવા તંત્રએ સૂચન કર્યા છે. જરૂર જણાય ત્યારે ડિઝાસ્ટર કંટ્રોલને જાણ કરવા નિર્દેશ અપાયા છે. તંત્ર દ્વારા 1077 નંબરની હેલ્પલાઈન સેવા શરૂ કરવામાં આવી છે.
ભાવનગર જિલ્લામાં પણ તીડનું આક્રમણ
તીડનું ભાવનગર જિલ્લામાં પણ આક્રમણ થયું છે. ભાવનગર જિલ્લાના વલ્લભીપુર તાલુકાના નસીતપર અને મોટી ધરાઈ ગામે ગતરાત્રીના તીડના ઝૂંડ ઉમટી પડતા ખેડૂતોના ઉભા પાકનો સોથ વાળી દીધો છે. હાલ ખેડૂતો લોકડાઉનના કારણે પરેશાન તો હતા જ ત્યાં વળી નવી મુશ્કેલી આવી પડી છે.
સુરેન્દ્રનગરમાં તીડનો આતંક
સુરેન્દ્રનગરના ધ્રાંગધ્રાંના રણકાઠાના ગ્રામ્ય વિસ્તારોમાં તીડનો આતંક જોવા મળ્યો છે. કુડા, જેસડા, કોપરણી, સતાપર ગામે તીડના ઝૂંડ દેખાયા છે. તેમજ નરાળી, એજાર સહિતના રણકાઠાના ગામોમાં તીડનો પ્રવેશ જોવા મળ્યો છે. આ તીડના આક્રમણના પગલે ખેડૂતોમાં ચિંતા વધી છે.