Viral Video / હદ છે હો! લાલચ અહા લપલપા! કચોરી ખાવાની તલપના કારણે ડ્રાઇવરે ટ્રેન રોકી દીધી Video થયો વાયરલ

• લ્યો બોલો ! ડ્રાઈવરે કચોરી લેવા માટે અટકાવી દીધી ટ્રેન
• સોશિયલ મીડિયામાં ઝડપથી વાયરલ થયો વીડિયો
• એક વ્યક્તિએ ટ્રેનના ડ્રાઈવરને કચોરીનું પેકેટ પકડાવ્યું 

કચોરી માટે ટ્રેન રોકી 

વાયરલ વીડિયોમાં જોઈ શકાય છે કે ટ્રેન રોકાય છે અને એક વ્યક્તિ એન્જિનના ડ્રાઈવરને કચોરીનું પેકેટ પકડાવે છે. પછી ટ્રેન જતી રહે છે. આ દરમ્યાન ફાટક બંધ થવાથી બંને બાજુ લોકો ટ્રેન નિકળવાની રાહ જોવે છે. અલવરની કચોરી લેવા માટે સ્ટેશન પહેલા ફાટક પર ટ્રેનના એન્જિનને રોકવાનો વીડિયો વાયરલ થયા બાદ સ્ટેશન સુપરિટેન્ડન્ટ સહિત પાંચ લોકોને સસ્પેન્ડ કરી દેવામાં આવ્યાં છે. ઉલ્લેખનીય છે કે જ્યારે ટ્રેનના ડ્રાઈવરને એક વ્યક્તિ કચોરીનું પેકેટ પકડાવી રહ્યો હતો ત્યારે ફાટકની બીજી બાજુ રહેલા લોકોએ આ ઘટનાનો વીડિયો બનાવી લીધો. 

અગાઉ પણ આવો જ એક વિડીયો વાયરલ થયો હતો જેમાં ટ્રેન ડ્રાઈવર માછલી ખરીદવા માટે ટ્રેન ઊભી રાખીને ઊતરતો દેખાયો હતો

આરોપીઓની સામે કરાઈ કાર્યવાહી

આ શખ્સે વીડિયો બનાવી સોશિયલ મીડિયામાં પોસ્ટ કર્યો. વીડિયો વાયરલ થયા બાદ અધિકારીઓએ આ મામલે નોંધ લીધી અને આરોપીઓની સામે કાર્યવાહી કરી.