ફાઇટર પ્લેનને લઇ અમેરિકાની કંપનીએ ભારતને એક ઓફર કરી છે. જેમાં અમેરિકી વિમાન કંપની લોકહીડ માર્ટિને કહ્યું કે, ભારત તરફથી 114 ફાઇટર પ્લેન ખરીદવા માટે તેમને નવા F-21 ફાઇટર પ્લેનનો ઓર્ડર મળે છે તો તેઓ અન્ય દેશને આ ફાઇટર પ્લેનનું વેચાણ નહીં કરે.
ત્યારે વ્યાપર સ્તર પર ખરીદીની ડીલ માટે અમેરિકી, યૂરોપીય અને રુસી કંપનીઓ સાથે પ્રતિસ્પર્ધા પહેલા જ દિગ્ગજ ફાઇટર પ્લેન કંપનીએ આ પ્રકારની રજૂઆત કરી દીધી છે. લોકહીડ માર્ટિનના બિઝનેસ ડેવલોપમેન્ટ ઉપાધ્યક્ષ વિવેક લાલે કહ્યું કે, નવા ફાઇટર પ્લેનને ભારતમાં વાયુ સેનાના 60થી વધુ સ્ટેશનોથી કામ કરી શકે તેવી રીતે ડિઝાઇન કરવામાં આવ્યું છે અને અમે આ પ્લેટફોર્મ અને સંરચનાને વિશ્વમાં બીજા કોઇ દેશને નહીં આપીએ.
ઉલ્લેખનીય છે કે, ઇન્ડિયન એર ફોર્સ બાલાકોટ સ્ટ્રાઇક અને ક્ષેત્રમાં ઉભરતી સુરક્ષા સ્થિતિને લઇ એક મોટી ડીલને અંતિમ રૂપ આપવાનું કામ કરી રહ્યું છે. ત્યારે કંપની લોકહીડે કહ્યું કે, જો તેમને આ કોન્ટ્રેક્ટ મળ્યો તો તેઓ ટાટા ગ્રુપ સાથે મળી અને અત્યાધુનિક F-21નું નિર્માણ કેન્દ્ર શરૂ કરાશે. લોકહીડે ફેબ્રુઆરીમાં એરો ઇન્ડિયા શો દરમિયાન એફ-21 ફાઇટ પ્લેનું પ્રદર્શન કર્યું હતું. ત્યારે લોકહીડે કહ્યું હતું કે આ ફાઇટર જેટ વાયુસેનાની વિશિષ્ટ જરૂરિયાતોને પૂર્ણ કરશે.