દેશભરમાં કોરોનાના નવા કેસ લગાતાર વધી રહ્યા છે, અને મહારાષ્ટ્રની હાલત એટલી તો ખરાબ છે કે અહીં બુધવારે રાત્રે 8 પછી તો લોકડાઉન જેવી સ્થિતિ બની ગઈ છે.
બ્રિટેનની જાણીતી સંસ્થા બારકલેજની રિપોર્ટમાં દાવો
દર અઠવાડિયે દેશના અર્થતંત્રમાંથી 940 કરોડ રૂપિયા થશે સાફ
મહારાષ્ટ્રમાં લોકડાઉન જેવા પ્રતિબંધો લદાયા, અન્ય રાજ્યોમાં પણ ચર્ચા
બારકલેજ નામની બ્રિટેનની એક જાણીતી બ્રોકરેજ ફર્મે એક અનુમાનમાં કહ્યું છે કે આવા લોકડાઉન દેશની અર્થવ્યવસ્થામાંથી દર અઠવાડિયે 940 કરોડ રૂપિયા એટલે કે 1.25 અબજ ડોલર સાફ કરી નાંખશે.
જો મે મહિના સુધી પ્રતિબંધો રહે તો થશે આટલું નુકસાન
બારકલેજએ તેની રિપોર્ટમાં દાવો કર્યો છે કે કોરોનાને લઈને લગવાયેલા પ્રતિબંધોને જો મે મહિના અંત સુધી ચાલુ રાખવામાં આવે છે તો દેશની આર્થિક અને વાણિજ્યની ગતિવિધિઓનું નુકસાન 10.5 અબજ ડોલર એટલે કે 788.95 અબજ રૂપિયા જેટલું રહી શકે છે, આ દેશનીનૉમિનલ જીડીપીના 0.34 ટકા બરાબર છે.
કોરોનાના કેસની સંખ્યા મુદ્દે દુનિયામાં સૌથી ટોચ પર છે ભારત
ભારતમાં કોરોના મહામારીની બીજી લહેરના કારણે દેશમાં દૈનિક કેસોનો આંકડો હાલમાં દુનિયામાં સૌથી વધી ગયો છે, આ રોગચાળાથી સૌથી ખરાબ રીતે પ્રભાવિત અમેરિકા અને બ્રાઝિલને પણ ભારતે પાછળ છોડી દીધા છે. મહત્વનું છે કે દેશમાં હવે કોરોના સંક્રમિતોની સંખ્યા વધીને 1.37 કરોડ થઈ ચૂકી છે, અને મોતનો આંકડો પણ 1.71 લાખને પાર થઈ ગયો છે.
આર્થિક આધારસ્તંભ સમા 8 રાજયોમાંથી 81 ટકા કેસ
મહત્વનું છે કે નવા કેસના સંક્રમણમાં એકલા મહારાષ્ટ્રમાંથી કુલ 48 ટકા કેસ આવ્યા છે, અને કુલ કેસની સંખ્યાની રીતે જોઈએ તો આર્થિક સક્ષમ એવા 8 રાજયોમાંથી જ 81 ટકા કેસ છે, માટે જ આ રાજ્યોમાં જો કોઈ પ્રતિબંધ કે લોકડાઉન જેવી કાર્યવાહી કરવામાં આવે છે, તો અર્થતંત્ર પર તેની ખરાબ અસર થશે. મહત્વનું છે કે મહારાષ્ટ્ર કે જ્યાં લોકડાઉન જેવા જ પ્રતિબંધો લગાવાય છે, તો દિલ્હીમાં પણ ઘણા પ્રતિબંધો મૂકવામાં આવ્યા છે, અને વિશેષ ચિંતાની વાત એ છે કે કર્ણાટક. ઉત્તર પ્રદેશ, અને ગુજરાત જેવા રાજ્યોમાં પણ કોરોનાની સ્થિતિને નિયંત્રણમાં લેવા લોકડાઉનની ચર્ચા;ઓ ચાલી રહી છે.
ક્વાર્ટરમાં થશે 1.4% નૉમિનલ જીડીપીનું નુક્સાન
આ આર્થિક ગતિવિધિઓ વાળા રાજ્યોમાં છેલ્લા અમુક દિવસોથી કોરોના કર્ફ્યૂ, લોકડાઉન અથવા આવનજાવન પરના પ્રતિબંધો વધારવામાં આવ્યા છે. આનાથી ચાલુ આર્થિક વર્ષના પ્રથમ ક્વાર્ટરમાં જીડીપીના 1.4 ટકા જેટલું નિકસાન થશે.